Post #746

КОНСТИТУЦИЯВИЙ ТУЗУМ КОНСТИТУЦИЯВИЙ ТУЗУМ (constitutional system, конституционный строй) – конституциявий ҳуқуқда кенг тарқалган таърифга кўра, муайян давлат конституцияси ва бошқа конституциявий-ҳуқуқий ҳужжатлар билан ўрнатилган ва муҳофаза қилинадиган ижтимоий, сиёсий, иқтисодий, ҳуқуқий муносабатлар тизими. Мамлакат конституциясида ўз аксини топган халқ ҳокимиятчилиги (халқ суверенитети), ҳокимиятларнинг бўлиниши, инсон ҳуқуқ ва эркинликларининг олий қадрият сифатида тан олинганлиги ва бошқалар конституциявий тузумнинг зарурий белгилари саналади. Миллий хавфсизликка оид тегишли қонунчилик ва концептуал ҳужжатларда конституциявий тузум давлат хавфсизлигининг муҳим объекти ва давлатнинг ҳаётий муҳим манфаати сифатида мустаҳкамлаб қўйилган. Конституциявий тузумнинг барқарорлиги миллий хавфсизликнинг марказий элементи ҳисобланган давлатчилик ва давлат суверенитининг мустаҳкамланишида муҳим ўрин тутади. 👉🏻Каналга уланиш – @uz_sfa