Post #816

АҚШ ЭРОНГА ЯНГИ САНКЦИЯ ТАЙЁРЛАМОҚДА Эрон миллий валютаси – риалнинг қадри эркин бозорда рекорд даражада пасайди. Шу билан бирга, озиқ-овқат маҳсулотлари нархи кескин ошиб кетмоқда. Мамлакатда ижтимоий норозилик кучайиб, 17 та университетда талабалар намойишлари бўлиб ўтди, айрим меҳнат жамоаларида иш ташлашлар амалга оширилди. Тўқнашувлар оқибатида 2000 нафардан ортиқ одам ҳалок бўлган, 18000 дан зиёд киши ҳибсга олинган. Айни пайтда Эронга санкциялар қўллаб келган АҚШ вазиятдан фойдаланиб, намойишларни бостиришда иштирок этган расмийларга қарши янги санкциялар пакетини тайёрламоқда. Шунингдек, АҚШ Эрон ичидаги намойишларни қўллаб-қувватлаётгани, режим ўз халқига нисбатан куч ишлатса, “қутқаришга келиши” ҳақида турли маълумотлар тарқатмоқда. Исроил эса АҚШнинг Эронга нисбатан олиб бораётган бу ҳаракатларини очиқ қўллаб-қувватламоқда. P.S.: Эрондаги ҳолат шуни кўрсатадики, иқтисодий инқироз, санкциялар ва ички беқарорлик энг аввало оддий халқ ҳаётини вайрон қилади. Дунёдаги бундай воқеалар инсонга бир ҳақиқатни эслатади: тинчлик ва барқарорлик – пул билан сотиб олиб бўлмайдиган неъмат. 👉🏻Каналга уланиш @uz_sfa