Post #832

КОМСОМОЛЬСКАЯ ПРАВДА “Комсомольская правда” Бутуниттифоқ ёшлар газетаси ва ВЛКСМ Марказий Қўмитасининг расмий матбуот органи сифатида ташкил этилган. Газетанинг дастлабки сони 1925 йил чоп этилган. “Комсомольская правда” газетасининг асосий мақсади СССРдаги ёшларни, айниқса комсомол аъзоларини тарбиялаш, уларни партия сиёсатига йўналтириш ва жамият ҳаётида фаол иштирок этишга чақиришдан иборат бўлган. Газетада сиёсий янгиликлар, комсомол ишлари, ўқиш ва меҳнатда намунали ёшлар ҳақида мақолалар, спорт ва маданият хабарлари, илмий-оммабоп материаллар, турмушдаги муаммолар ҳамда ёшлар ижодига оид саҳифалар чоп этилган. 1973 йилда эса газетанинг тиражи тахминан 9 миллион нусхани ташкил этган. 1985 йилдан “Қайта қуриш” (“Перестройка”)нинг бошланиши билан СССРда жамият ва давлат ҳаётида катта ўзгаришларни бошлади. Ошкоралик сиёсати туфайли одамлар эркинроқ фикр билдиришга, матбуот ва телевидениеда танқидий мақолалар чиқишига имконият пайдо бўлди. “Комсомольская правда” газетасида ижтимоий-танқидий мақолалар чоп этила бошланди, бу эса газетанинг обрўсини янада ошириб юборди. 1990 йилда "Комсомолская правда" дунёдаги энг катта тиражли кундалик газетага айланди. Унинг тиражи максимум нуқтага 22 миллион 370 минг нусхага етган. 👉🏻Каналга уланиш – @uz_sfa