Post #869

СОВЕТ ПЛАКАТЛАРИ: ТАРҒИБОТНИНГ ЭНГ КУЧЛИ ҚУРОЛИ 1974 йилда КПСС Марказий Қўмитаси Секретариати қарорига кўра «Плакат» нашриёти ташкил этилиб, асосан сиёсий плакат ва карикатураларни ривожлантириш, шунингдек турли тарғибот-ташвиқот материалларини нашр этиш билан шуғулланган. Нашриёт ҳар йили тахминан 500 тадан 900 тагача сиёсий плакат ҳамда бошқа кўргазмали тарғибот воситаларини чиқарган. «Плакат» мунтазам равишда энг яхши сиёсий плакат бўйича Бутуниттифоқ танловларини ўтказиб келган. Барча нашрларнинг йиллик умумий тиражи 300 миллиондан ошган ва кўпчилиги обуна орқали тарқатилган. P.S. Бу каби нашрлар орқали коммунистик мафкурани аҳоли онгига сингдириш, одамларни миллий ўзлиги ва диний қадриятларидан узоқлаштириш мақсадида кенг кўламли тарғибот ишлари амалга оширилган. Сиёсий плакатлар Иттифоқ таркибидаги 15 та республика учун, уларда яшовчи миллатлар хусусиятларини инобатга олган ҳолда турли тилларда тайёрланган. Ушбу тарғиботнинг жамиятга таъсири социологлар томонидан мунтазам ўрганилиб, натижаларга кўра унинг таъсирчанлиги янада ошириб борилган. Бу жараёнга минглаб мутахассислар, олимлар ва мафкурачилар жалб этилган ҳамда катта молиявий маблағлар сарфланган эди. 👉🏻Каналга уланиш – @uz_sfa