Post #912

Юрген Хабермас: Мулоқот фалсафасидан замонавий сиёсатшунослик пойдеворигача Юрген Хабермас сиёсатга шунчаки "ҳокимият учун кураш" деб эмас, балки "мулоқот ва келишув санъати" сифатида қарайди. Унинг сиёсатшуносликка қўшган энг катта ҳиссаси "Оммавий соҳа" (Public Sphere) концепциясидир. Олимнинг фикрича, давлат қарорлари легитим (қонуний) бўлиши учун улар фуқароларнинг эркин ва очиқ муҳокамасидан ўтиши шарт. Агар сиёсий мунозаралар шунчаки пиар ва кўргазмали шоуга айланса (у буни "рефеодализация" деб атайди), демократия ўз мазмунини йўқотади. Ушбу қарашлардан келиб чиқиб, Хабермас сиёсатшуносликка делибератив (маслаҳатли) демократия моделини таклиф қилди. Бу моделда сиёсат фақат овоз бериш жараёни эмас, балки барча томонлар иштирок этадиган адолатли муҳокама – "делиберация" деб тушунилади. Олимнинг "Дискурс этикаси" эса сиёсатдаги ҳар қандай низони куч ишлатмасдан, аргументлар кучи ёрдамида ҳал қилиш механизмини тақдим этади. Бу механизмда ягона куч "энг яхши далилнинг кучи" бўлиши керак. 👉🏻батафсил танишиш учун 100 та сиёсатшунос олим. – Т.: «Complex Print», 2026. – 210 б. 👉🏻Каналга уланиш – @uz_sfa