Post #25577

🇺🇿 O‘zbekiston Respublikasi Prezidenti tomonidan joriy yil 25-mart kuni imzolangan PQ–110-son qarorga muvofiq, “Eko-madaniyat” umummilliy loyihasi doirasida 2026–2027-o‘quv yilidan boshlab respublikamizning har bir viloyatida bittadan “yashil” texnikum faoliyatini yo‘lga qo‘yish belgilangan. ♻️ Mazkur vazifalar ijrosini ta’minlash maqsadida bugun Ekologiya va iqlim o‘zgarishi milliy qo‘mitasi mas’ul xodimlari — Zarina Abdullayeva, Dilnoza Yuvashova hamda Qo‘mitaning Andijon viloyati bosh boshqarmasi boshlig‘i Alisher Nazarov Izboskan tumani 3-son texnikumida bo‘lishdi. 🏫 “Yashil” texnikum sifatida qayta tashkil etilishi rejalashtirilgan ta’lim muassasasining tashqi va ichki infratuzilmasi, o‘quv-amaliyot xonalari hamda mavjud sharoitlari atroflicha o‘rganildi. 🔍 Shuningdek, texnikumni zamonaviy ekologik ta’lim maskaniga aylantirish, qurilish-ta’mirlash ishlarini qisqa muddatlarda boshlash hamda jarayonlarni jadallashtirish yuzasidan mas’ullar bilan tegishli kelishuvlarga erishildi. 🌱 “Yashil” texnikumlar loyihasi yoshlar orasida ekologik madaniyatni yuksaltirish, amaliy ekologik ta’limni rivojlantirish va “yashil” kasblarni keng targ‘ib etishda muhim ahamiyat kasb etadi.