AvtoblogUz | Жамоатчилик назорати

✅@iiv_shxbb_bot – Ички ишлар вазирлиги Шахсий хавфсизлик бош бошқармаси билан тўғридан-тўғри боғланиш учун яратилган махсус Telegram-бот. ✅Ушбу бот орқали ички ишлар органлари ходимининг коррупция, тамагирлик, ёки бошқа ноўрин хатти-ҳаракатлари, шунингдек, ходимлар хизматда дуч келаётган муаммолари ҳақида тез ва осон хабар бериши мумкин. ❗️ Ҳар бир хабар тезкор текширилиб, мурожаат этувчининг шахсини сир сақланиши кафолатланади. Ботнинг асосий вазифаси – Шахсий хавфсизлик бош бошқармаси билан самарали алоқа ўрнатиш, муаммоларни эрта аниқлаш, тизимда шаффофлик ва адолатни таъминлаш ҳамда ҳуқуқбузарликларнинг барвақт олдини олиш ҳисобланади. ✈️ Бот орқали мурожаат- @iiv_shxbb_bot 📞 Шунингдек, қўшимча равишда Шахсий хавфсизлик бош бошқармасининг 71-231-31-74 ишонч телефони рақами орқали ҳам хабар йўллашингиз мумкинлигини эслатиб ўтамиз. 🛡@UDDU_channel

Барча йўл соҳасига алоқадор бўлган масъулларга савол. Ушбу жойдан пиёда, қария, велосипедчи ва "коляска"лик она қандай ўтади? Хитойда шунча танқиддан сўнг масъуллар чиқиб узур сўрарди, биз эса чет мамлакат тажрибасини оляпмиз, фақат ўзимизга кераклигини. Уят... Ўз ишини, ўзига юклатилган вазифаларни бажармаятгани учун ойлик олиши қанақа бўлса керак а? 🛡@UDDU_channel

6 километр ва 20 дақиқали оворагарчилик ёхуд масъулларнинг "икки хил стандартлари" Ҳурматли мутасаддилар ва йўл ҳаракати хавфсизлиги учун масъуллар! Бухоро шаҳрида йўл таъмирлаш ишлари кетаётгани яхши, лекин бу жараёнда оддий аҳолининг кундалик ҳаёти ва вақти нега инобатга олинмаяпти? Маҳалламиз ёнидаги йўлда йўл қурилиш ишлари сабабли чорраҳа йўлига чиқиш ёпилган. Биз аҳоли трассага чиқиб, чорраҳага қайтиш учун эса нақ 6 километрдан ортиқ масофа босиб айланиб келишга мажбур бўляпмиз. Ҳар куни минглаб ҳайдовчилар беҳуда ёқилғи сарфлаб, тирбандликда вақт йўқотмоқда. Масъулларнинг жавоби: шу ерда вақтинчалик (ёки доимий) разворот очишни илтимос қилсак, жавоб битта: "Агар бу ерда разворот очсак, авариялар кўпайиб кетади". Савол туғилади: Нима учун шаҳарнинг бошқа жойларида, худди шундай шароитда, тезлик 60 км/соат қилиб белгиланган ва радар ўрнатилган жойларда разворотлар бемалол ишлаб турибди? (Илова қилинган расмга қаранг). 1. Расмда: Худди шундай шаҳар кўчаси, тезлик чекловчи радар бор ва разворот очиқ. Ҳеч ким авария бўлади деб қўрқаётгани йўқ. 2. Бизнинг ҳолатда: Тезлик барибир 60 км/соат, радар ҳам бор. Демак, хавфсизлик даражаси бир хил! Агар тезлик назорат остида бўлса, нега халқни 6 километр сарсон қилиш керак? Бу нафақат ҳайдовчиларнинг асабига, балки шаҳар экологияси ва тирбандликка ҳам салбий таъсир қиляпти. Наҳот масъуллар, ҳокимлик, халқни, аҳолини, фуқароларни ўйламайди? То пиёдалар қанот очиши керак то ҳайдовчилар... 🛡@UDDU_channel

Уйғонинглар! Мана бу пиёдалар ўтиш жойининг фарқи нимада? Нима учун ва қайси сабабларга кўра булар ҳар хил? 1. Масъуллар эътиборсизлигими? 2. Йўлчилар эътиборсизлигими? 3. Ташриф ушбу йўналиш бўйича бўлмаганлигими? 4. Назоратчилар эътиборсизлигими? Ёки бу ҳудудларда ёши кекса одамлар йўқми? Ёки бу ҳудудларда чақалоқли ва "коляска" билан ўтадиганлар йўқми? Бу каби ҳолатлар ҳақида ёзган эдик https://t.me/UDDU_channel/10521, лекин масъуллар бефарқ! Бу ҳали хамир учидан патир... Давоми бор. 🛡@UDDU_channel

🚦Йўл ҳаракати қоидалари ҳамма учун бирдекми? Наманган шахар, Ислом Каримов кўчаларида навбатдаги "қоидабузарлик" тренди. Видеода кўриниб турибдики, DAMAS русумли автомобиль ҳайдовчиси пиёдалар ўтиш жойида, светофорнинг тақиқловчи қизил чироғида тўхтамай, ҳаракатни давом эттирган. Нима учун бу хавфли? Тақиқловчи чироқ ёнганида пиёдалар йўлни кесиб ўтишни бошлашади. Ҳайдовчининг бундай эътиборсизлиги фожиа билан якунланиши мумкин эди. Бир кишининг қоидани менсимаслиги бошқа ҳайдовчиларда ҳам "унга мумкин бўлса, менга ҳам мумкин бўлади" деган нотўғри тушунчани шакллантиради. Йўл — бу ўзаро ҳурмат ва масъулият майдони. Қоидалар эса ҳаётни асраб қолиш учун ёзилган. Савол туғилади: Шошқалоқлик инсон ҳаётидан муҳимми? Давлат рақами аниқ кўриниб турган ушбу ҳайдовчига нисбатан тегишли органлар томонидан чора кўриладими, 📌 Ҳурматли ҳайдовчилар, йўлларда ҳушёр бўлинг! Уйингизда пиёдалар каби сизни ҳам яқинларингиз кутмоқда. 🛡@UDDU_channel

Йўл ёпилади лекин иш қилинмайди 🛑. Шароит бор, лекин қайрилиб олиш жойи йўқ 🔄. Пиёдалар ўтиш белгиси ва чизиқлари бор, лекин пиёда ўтолмайди, қаноти йўқ 🚶‍♂️❌. Масъулларнинг хабари бор, лекин нажот йўқ 🆘. Қурилиш ишларини назорат қилувчилар бор, лекин улар йўқдек... 👀. Гапда кўп нарса бор, лекин амалда йўқ 🗣️🚫. Топшириқни бажариш бор, лекин халқни ўйлаш йўқ 📋💔. Ану йўлчиларга, ану чет эл банки томонидан, "халқга йўл қуриш давомида фақат ва фақат ўзингни ўйла, йўлингни қур, топшир ва пулингни ол 💰, бошқаларга *укингни қўй, бир иложини қилиб пиёдаси ҳам, ҳайдовчиси ҳам амаллайди" деб талаб қўйган шекилли... 🤷‍♂️ Шунақа шартлариям борми шартномада??? 🤔 Халқга ноқулайликлар туғдир деган жойи чи??? 🚧 Айрим ТУПОЙКАЛЛАЛАР ўзича режа қилиб ишлаяпти 😡. Калласи бор, лекин ишламайли ёки ишлатишни хохламайди 🧠❌. ЭГОИСТ. Топингларчи бу азоблаш хизмати қаерда бўляпти? 🕵️‍♂️ 🛡@UDDU_channel

Навбатдаги тузоқ: судга чақирилдингиз!!!!! Эҳтиёт бўлинг! Яна фирибгарлар ва улар бу сафар ҳам Телеграмда. Энди улар сизни “судга чақирмоқда”. Гап шундаки, онлайн фирибгарлар мессенжер фойдаланувчиларига судга чақирилганлик ҳақида хабар, вирусли “Apk” файллар ҳамда ҳаволаларни юбормоқда. 🛡@UDDU_channel

🇺🇿Президент Шавкат Мирзиёевнинг Бухоро вилоятига ташрифи биринчи кунининг тафсилотлари 🇷🇺Детали первого дня визита президента Шавката Мирзиёева в Бухарскую область 🛡@UDDU_channel

DIQQAT, EʼLON! Buxoro shahrining ayrim koʻchalarida transport vositalari harakati vaqtincha cheklanadi Buxoro shahrida oʻtkazilayotgan “Oliy martabali mehmon” tadbirlari doirasida yo'l harakati xavfsizligini taʼminlash maqsadida, shahar hokimining tegishli farmoyishiga asosan 2026-yil 11-aprel kuni soat 10:00 dan boshlab, "B. Naqshband", "Gazli shoh", "Oqmachit", "I. Karimov", "Mustaqillik", "Alpomish", "Ibn Sino", "Abu Havs Kabir", "X. Nurobod", "Mehtar Anbar" hamda "Qarshi darvoza" koʻchalarida avtotransport vositalarining harakati vaqtincha cheklanadi. Hurmatli haydovchilar! Yuzaga kelishi mumkin bo'lgan tirbandliklarning oldini olish maqsadida, yo'l-patrul xizmati xodimlarining ishoralari hamda yoʻl belgilari talablariga qat'iy rioya qilishingizni soʻraymiz. Fuqarolar hamda shahrimiz mehmonlariga o'z manzillariga yetib olishlari uchun muqobil aylanma yo‘llardan foydalanishni tavsiya qilamiz. Keltirilgan vaqtinchalik noqulayliklar uchun uzr so‘raymiz. ДИҚҚАТ, ЭЪЛОН! Бухоро шаҳрининг айрим кўчаларида транспорт воситалари ҳаракати вақтинча чекланади Бухоро шаҳрида ўтказилаётган “Олий мартабали меҳмон” тадбирлари доирасида йўл ҳаракати хавфсизлигини таъминлаш мақсадида, шаҳар ҳокимининг тегишли фармойишига асосан 2026 йил 11 апрель куни соат 10:00 дан бошлаб, "Б. Нақшбанд", "Газли шоҳ", "Оқмачит", "И. Каримов", "Мустақиллик", "Алпомиш", "Ибн Сино", "Абу Ҳавс Кабир", "Х. Нуробод", "Меҳтар Анбар" ҳамда "Қарши дарвоза" кўчаларида автотранспорт воситаларининг ҳаракати вақтинча чекланади. Ҳурматли ҳайдовчилар! Юзага келиши мумкин бўлган тирбандликларнинг олдини олиш мақсадида, йўл-патруль хизмати ходимларининг ишоралари ҳамда йўл белгилари талабларига қатъий риоя қилишингизни сўраймиз. Фуқаролар ҳамда шаҳримиз меҳмонларига ўз манзилларига етиб олишлари учун муқобил айланма йўллардан фойдаланишни тавсия қиламиз. Келтирилган вақтинчалик ноқулайликлар учун узр сўраймиз. ВНИМАНИЕ, ОБЪЯВЛЕНИЕ! На некоторых улицах города Бухары временно ограничивается движение транспортных средств В целях обеспечения безопасности дорожного движения в рамках проводимых в городе Бухаре мероприятий «Высокопоставленный гость», на основании соответствующего распоряжения хокима города, с 10:00 часов 11 апреля 2026 года на улицах "Б. Накшбанд", "Газли шох", "Окмачит", "И. Каримов", "Мустакиллик", "Алпомиш", "Ибн Сино", "Абу Хавс Кабир", "Х. Нуробод", "Мехтар Анбар" и "Карши дарвоза" временно ограничивается движение автотранспортных средств. Уважаемые водители! Во избежание возможных пробок просим вас строго соблюдать сигналы сотрудников дорожно-патрульной службы и требования дорожных знаков. Гражданам и гостям нашего города рекомендуем использовать альтернативные объездные пути для проезда к месту назначения. Приносим извинения за доставленные временные неудобства. 🛡@UDDU_channel

DIQQAT, E'LON! Buxoro viloyati Ichki ishlar boshqarmasi boshligʻi sovrini uchun 9-sinf oʻquvchilari o'rtasida FAN OLIMPIADASI oʻtkaziladi FAN OLIMPIADASI YO'NALISHLARI: 📜 Tarix 📘 Ingliz tili 📒 Huquqshunoslik Fan olimpiadasi sovrindorlari har bir fan boʻyicha quyidagi tartibda mukofotlanadi: 🥇 oʻrin - Diplom va televizor; 🥈 oʻrin - Diplom va changyutkich; 🥉 oʻrin - Diplom va mikrotoʻlqinli pech. Qachon va qayerda: 2026-yil 13-aprel (dushanba) kuni soat 9:00 da IIV Buxoro akademik litseyida. IIV Buxoro akademik litseyi manzili: Buxoro shahar, Navoiy shox koʻchasi 6-a uy (mo'ljal: Buxoro shahar Prezident maktabi yonida). Lokatsiya:https://maps.app.goo.gl/C8MMqpvMpGQnS3j49 ✅Ro'yxatdan o'tish:https://forms.gle/osmseb2a3jJFWnUt5 ✅ Murojaat uchun telefon: (91) 410-22-77 ❗️❗️❗️Eslatma: fan olimpiadasi faqat 9-sinfda o'qiyotganlar uchun. 🛡@UDDU_channel

Пост аввалида бир ҳолат юзасидан савол бермоқчиман: агар давлат идораси ёки уларнинг ходими қонунга зид қарор қабул қилса ёки ишни тўғри қилмаса ва бу сизга зарар келтирса, зарарни ким қоплайди? Бюджетданми ёки амалдорнинг чўнтагиданми? Шу ҳақида ҳеч ўйлаб кўрганмисиз? Ҳозиргача бундай вазиятлар турли-қисқа қонунлар билан тартибга солинган эди, лекин фуқаролар ёки компанияларга етказилган зарар учун давлатдан пул олишнинг аниқ йўли бўлмаган. Сенатнинг 14 ялпи мажлисида кўриб чиқилган қонунда бу масалага ҳуқуқий асос яратилмоқда. Эндиликда давлат идораси ёки ходимлар қонунга зид иш қилса, етказилган зарар давлат томонидан қопланади. Кейинчалик айбдор аниқ бўлганидан сўнг зарар етказган айбдор шахсга нисбатан регресс ҳуқуқи қўлланилади. Бу жараёнда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари айбдор фаолият юритган ёки илгари ишлаган давлат органига талабнома юбориши мумкин. Энди одамлар ўз ҳуқуқлари бузилганда, давлат уларни қўллайди ва адолат таъминланади. Бу нафақат фуқароларнинг ишончини оширади, балки давлат органларининг жавобгарлигини ҳам кучайтиради. Адвокатлик тажрибамизда бундай ҳолатлардан нечтасини кўрдикку. Ғайриқонуний ишдан бўшатишлар, очиқчасига қонунбузарлик билан мулкни бузишлар, шартнома қилмай қурувчига иш қилдирганлар… Эххее. Бундай амалдорларни тартибга солувчи қонун бўлади бу ҳали. @bahodirahmedoff 🛡@UDDU_channel

Ички ишлар органларида аҳоли мурожаатлари билан ишлашнинг янги тизимини шакллантиришга қаратилган махсус ўқув курси бошланди Ўқув дастури доирасида ички ишлар органлари фаолиятида реактив ёндашувдан проактив бошқарув моделига ўтиш, яъни муаммоларни келиб чиқишидан олдин аниқлаш, таҳлил қилиш ва бартараф этиш механизмларини жорий этишга алоҳида урғу берилмоқда. Давлат сиёсати ва бошқаруви академиясида ташкил этилган мазкур ўқув жараёнида иштирокчиларнинг: – коррупцияга қарши иммунитети; – маънавий-ахлоқий барқарорлиги; – мурожаатлар билан ишлаш самарадорлиги; – хизмат фаолиятидаги шахсий масъулияти; – таҳлилий ва стратегик фикрлаш қобилияти каби муҳим компетенциялари комплекс баҳоланиб, уларни ривожлантириш бўйича амалий машғулотлар ўтказилмоқда. Алоҳида эътибор фуқаролар билан мулоқот маданиятига қаратилмоқда. Хусусан, ходимларнинг хушмуомалалиги, инсон қадрини устувор қўйиши, ҳар бир мурожаатга ҳурмат билан ёндашиши, очиқ ва самарали мулоқот олиб бориши бўйича амалий кўникмалар шакллантирилмоқда. Бу эса аҳоли билан ишлашда ишончли ва адолатли муносабатларни таъминлашга хизмат қилади. Алоҳида таъкидлаш жоизки, мазкур ўқув курси доирасида Ички ишлар вазирлиги тизимида жорий этилган комплаенс ва ички назорат механизмларига алоҳида эътибор қаратилмоқда. Хусусан, хизмат фаолиятида ҳалоллик, қонунийлик ва шахсий масъулият тамойилларини таъминлаш, шунингдек, ички коррупциянинг олдини олиш масалалари тизимнинг устувор йўналиши сифатида белгилангани иштирокчиларга атрофлича тушунтирилмоқда. Бугунги кунда комплаенс тизими Ички ишлар органларида фақат назорат механизми эмас, балки ҳар бир ходимнинг хизмат фаолиятидаги аниқ “қизил чизиғи” сифатида шакллантирилмоқда. У орқали ҳуқуқбузарликларни содир этилгандан кейин аниқлаш эмас, балки уларнинг келиб чиқиш сабабларини бартараф этиш, хавф-хатарларни барвақт аниқлаш ва олдини олишга қаратилган ёндашувлар жорий этилмоқда. Амалий жиҳатдан, ўқув курси доирасида: – реал кейслар асосида симуляцион машғулотлар; – индивидуал ва гуруҳли таҳлиллар; – компетенцияларга асосланган баҳолаш тизими (ассесмент) жорий этилган бўлиб, бу ички ишлар органлари ходимларининг фаолиятида аниқ натижага йўналтирилган ёндашувни кучайтиришга хизмат қилади. Мазкур махсус ўқув курси ички ишлар органларида аҳоли мурожаатлари билан ишлашнинг янги, самарали ва натижадор моделини шакллантириш, шунингдек, тизимнинг очиқлиги, ҳисобдорлиги ва жамоатчилик ишончини мустаҳкамлашга хизмат қилади. @pressuzb