Post #2781

Умрачи фирибгарларнинг шериклари кимлар?Ёхуд лицензиясиз ҳаж "сотувчилари" қандай қилиб одамлар онгини заҳарламоқда? Агар ушбу сарлавҳа сизни ҳайратлантирган бўлса, билингки, бу биз учун реалликдан келиб чиққан оддий ҳолат. Айнан шу муаммо жамиятда ўнлаб, юзлаб, ҳатто минглаб содда инсонларнинг чув тушишига сабаб бўлмоқда. "Умра зиёрати" ниқоби остида лицензиясиз, назоратсиз ва ҳатто фирибгарлик йўли билан иш юритаётган шахслар ва компаниялар жуда кўп. Уларга алданиб қолаётганларнинг сони эса беҳисоб. Қонунга мувофиқ, Ўзбекистонда истеъмолчиларни чалғитиши мумкин бўлган ҳар қандай реклама, жумладан диний туйғуларни суиистеъмол қилувчи реклама учун масъул ташкилотлар мавжуд. Хўш, бу мутасаддилар уларнинг реклама роликларини кўрмаяптими? Ҳожиларнинг аянчли аҳволини эшитмаяптими? Ёки кўриб ҳам кўрмасликка оляптими?.. Айнан уларнинг бепарволиги туфайли лицензиясиз "умрачи"ларнинг рекламалари телевидениедан тортиб Instagram'гача кенг тарқалди. Бугун ҳар биримиз ана шундай сохта рекламалар қурбонига айланишимиз мумкин. Масъуллар! Айтингларчи, умрачи фирибгарлар масаласида айб кимда? * Реклама ва контентни назорат қилувчилардами? * Лицензиясиз савдога қарши курашувчилардами? * Содда ва ишонувчан аҳолидами? * Ёки Аллоҳнинг номини соатбай "ижарага" бераётган фирибгарлардами ? https://t.me/daydi2021