Post #2926

Сомсачи салафийлар Ушбу кейсда энг диққатли ва хавфли жиҳат, молиявий қийинчилик гирдобида қолган ёшларни, хусусан талабаларни, картошкали сомса орқали ўз сафларига торта бошлаганидир. Биз аввалги таҳлилларимизда ҳам кўп таъкидлаганмиз: ошхона ва кафелар баъзи диний экстремистлар учун йиғилиш нуқтасига айланмоқда. Ислом ниқобидаги радикал гуруҳлар ўз “даъват”ини эндиликда чойхона ва ҳужраларда эмас, овқатланиш жойларида олиб бормоқда. Айрим ошхоналарда спиртли ичимлик ҳақида гапириш эмас, ўйлашнинг ўзи куфр ҳисобланади. Чет эллик меҳмон ёки ўзимизнинг бирор қоракўз кириб, спиртли ичимлик сўраса борми, нақд ўлдириб юборадигандек туришади. Хуллас, ҳуқуқни муҳофаза қилувчи органлар томонидан фош этилган янги ҳолат, бу энди шунчаки диний радикаллик эмас, кучли экстремистик ва ғоявий ҳаракат борлигини яққол исботи бўлди. Қўлга олинган сомсачи, муқаддам Ироқ ва Суриядаги ислом жангарилари лагерларида жанговар тайёргарликдан ўтаган ўта мутаасиб одам бўлган. У ва икки нафар шериги, халифаликка асосланган давлат қурилиши йўлида бирлашишган. Бундан ташқари, улар мижозлар орасида динга жуда берилган, қарз ва кредитлари сабаб руҳий тушкунликка тушган, ишсиз ва пулсиз ёшларни нишонга олиб, уларни “Аллоҳ розилиги учун” картошкали сомса билан сийлашган. Бу сийловлари замирида эса ўзларининг оқимларига оғдириш ишлари олиб борилган. Яхши ҳамки, улар фош этилиб, бошқа ёшларнинг жувонмарг бўлиб кетиши олди олинди. Суд, Сомсапаз радикалларнинг тўдабошисига етти йил, унинг гап-сўзлари таъсирига тушган икки нафар шеригини олти йилдан озодликдан маҳрум этган. https://t.me/daydi2021