Post #2976

🔠🔠🔠🔠🔠🔠🔠🔠 🔠🔠🔠🔠 Инсонни табиий эҳтиёжларидан маҳрум этиш унинг Яратувчисини инкор этишдир Аллоҳ табиатни ва унинг қонунларини яратган. Демак, табиат қонунларини инкор қилиш Яратувчининг иродасига қарши чиқиш билан баробар тўғрими ? Дин ўз йўли билан, табиат қонуниятлари эса ўз йўли билан яшайди. Инсон ҳам ана шу табиатнинг бир парчаси сифатида биологик эҳтиёжлари билан яшайди. Жинсий эҳтиёж эса инсон табиатидаги энг кучли инстинктлардан бири бўлиб, уни рад этиб бўлмайди. Балоғатга етган ҳар қандай инсон, табиий равишда, шахсий жинсий ҳаётига қадам қўяди. Бу эҳтиёжни чеклаш ёки бутунлай йўққа чиқариш мумкин эмас, акс ҳолда инсоннинг руҳий ва жисмоний саломатлигида мувозанат бузилади. Қандай қилиб пешоби қистаган одам табиий эҳтиёжини чиқариб енгиллик топса, худди шундай жинсий эҳтиёжни қондириш ҳам инсоннинг табиий руҳий қониқиши ва тинчлигини таъминлайди. Айтайлик, ёшгина аёл турли сабабларга кўра эрсиз қолди. Бу ҳолда унинг хоҳишларини ёпиш, чеклаш ёки инкор қилиш табиатга қарши чиқиш билан баробар. Чунки табиат қонунлари инсон иродасидан юқори туради. Аёлни хоҳишларидан маҳрум этиш уни ҳирсий даври келган ғунажиндек боғлаб қуйиб азоблаш деганини тўғри тушунишимиз керак. Ҳозирги кунда кўплаб йигитлар ўзидан анча катта аёллар билан шаръий ёки норасмий муносабатларга киришмоқда. Бу ҳолатнинг ўзи ҳам жамиятдаги чекловлар, диний ва маданий омиллар туфайли одамлар табиий эҳтиёжларини турли йўллар билан қондиришга мажбур бўлаётганини кўрсатади. Бу бир вақтнинг ўзида ҳам ачинарли, ҳам табиий ҳолат. Муаммонинг ечими битта: инсоннинг табиий эҳтиёжлари дунёвий принциплар ва инсонийлик меъёрлари асосида эркин тартибга солиниши лозим. Чунки дунёвийлик табиат қонунларига мос йўлдир. Агар инсон табиатини тўғри англаб, унинг эҳтиёжларини соғлом йўл билан таъминлаб берилмаса, ҳижоб ҳам, диний ибодат ҳам маъноларини йўқотиб, сунъий ва сохта кўринишга айланаверади. Яратган табиат қонунларини яратди ва инсонга ақл ато этди. Демак, инсоннинг вазифаси табиат қонунларига зид равишда эмас, балки уларга уйғун ҳолда яшаш. Жинсий ҳаёт ҳам инсоннинг бирламчи эҳтиёжи сифатида тан олиниши, тарбия ва маданият асосида соғлом шаклда йўналтирилиши керак. Инсонни табиий эҳтиёжларидан маҳрум этиш унинг яратувчисини инкор этишдир. Яратувчини эса инкор қилиб бўлмайди. https://t.me/daydi2021