Post #3144

Ҳурматли ота-оналар, бир нарсани унутмаслик керак: Фарзандларингизнинг ақлий салоҳияти ҳам генетика, ҳам тарбия, ҳам атрофдаги муҳит таъсирида шаклланади. Илмий изланишларда ўғил болаларнинг интеллект билан боғлиқ айрим генларни онаси орқали олиши ҳақида далиллар бор. Бу дегани, она қанчалик билимли, фикрлай оладиган, ҳаётга онгли ёндашадиган инсон бўлса, фарзандларининг имкониятлари ҳам шунга мос равишда кенгаяди. Она бола билан кўпроқ вақт ўтказади. Боланинг нутқи, тафаккури, характерининг асосий қисмлари айнан шу муҳитда шаклланади. Шу боис, жамиятдаги ҳар бир она эркин, билимли, очиқ фикрли, мувозанатли бўлиши юртимиз келажаги учун жуда муҳим. Ҳозир қизлар тушуниб-тушунмасдан ҳижоб ўраши муаммога айланмоқда. Ҳижоб шахсий танлов бўлгани билан ота-оналар буни қизларига тўғри тушунтиришлари, ҳою-ҳавас ва мода учун ўраниш ҳолатларини олдини олишлари керак. Ҳижоб ва араблашиш қиз болани жамиятдан узади, унинг билим олиш, тажриба тўплаш, эркин мулоқот қилиш имкониятлари чекланади, эртанги куннинг онаси сифатида унинг ақлий ва маънавий салоҳияти камайиб боради. Билимли она ақлли авлоднинг асоси. Шундай экан, қиз болаларга кенг имконият яратган ота-она, аслида, келажакдаги ўғиллари ва набираларининг интеллектуал даражасига ҳам ҳисса қўшаётганини англаши лозим. Мавжуда Мамазоирова, Аёллар Келажаги уюшмаси раиси, Филология фанлари доктори. https://t.me/daydi2021