Post #3150

Айбланувчи 15 йил муддатга озодликдан маҳрум этилди. Фарғонада бир эркак хотинини кимсасиз жойга олиб бориб, уни калтаклаб, тириклайин ёқиб юборгани ҳақида хабар берилди. Бу жиноятларнинг жамиятда содир бўлишининг сабаби — уларнинг ислом томонидан оқланган деб ҳисобланишидир. Шунинг учун ҳам эркаклар ўз жиноятларини «Ислом рухсат берди», деб оқлайди. Қурондаги Нисо сураси 34-ояти аёлларни уришни очиқ ва аниқ тарзда оқлайди. Одамлар исломий қоидаларга эргашишга мойил бўлиб турган экан, аёлларга нисбатан зўравонлик ва уларнинг ўлдирилиши статистикаси айнан шу сабабли,фақат ошиб боради. Ҳатто миллатчи ҳаракатлар «биз исломчилар эмасмиз» деб даъво қилса ҳам, улар ўзларини диний қатламга қарши қўйишига қарамай, жинслар ўртасидаги тенгсизлик масаласида исломий қарашлар билан бир хил фикрда бўлишади. Бу эса иккистандартлик. Бир томондан "Биз исломчилар эмасмиз," иккинчи томондан эса фактически “Нисо” сураси 34-ояти билан ҳамфикр бўлган ҳолат. Чунки тенгсизликни қўллаб қувватлаш, зўравонликни оқлаш билан тенг, негаки бу сабаб ва оқибатдир. Аёл эркакка тенг эмас, деб даъво қиладиган ҳар қандай шахс мазкур оятни амалда оқлайди ва жамоат тартибига таҳдид солувчи экстремистик мафкура ташувчиси ҳисобланади. Ҳатто у совет таълимига эга бўлса, устувор бўлган дунёвий давлат мафкурасини қўллаб-қувватласа ва терроризмга қарши курашаётганини айтса ҳам — бу ҳеч нарсани ўзгартирмайди. Агар инсон жинслар ўртасидаги тенгсизликни оқласа ва аёлнинг бўйсунган ҳолатини мақбул деб билса, у ўзини қандай аташидан ва қайси лагерга мансублигидан қатъи назар, у аёллар ва болаларга қарши жиноятларга хизмат қиладиган эътиқод ташувчиси сифатида қаралади. Ёки сен аёлларнинг тўлиқ эркинлигини қабул қиласан, ёки сен тўлиқ Толибонга боғлангансан. Ўрта меъёр бўлиши мумкин эмас. АНВАР ФОЗИЛОВ https://t.me/daydi2021