Post #3201

Инсоният ҳайвонлар билан гаплашиши мумкин Илм-фан тараққиёти инсоният олдига кутилмаган, бир пайтлар фақат фантастик асарларда учрайдиган саволларни қўя бошлади. Шулардан бири — инсон ва ҳайвон ўртасида мазмунли мулоқот ўрнатиш имконияти. Яқин йилларга қадар ҳайвонлар чиқарадиган овозлар инстинкт, оддий сигнал сифатида қабул қилинар эди. Бугун эса илмий тадқиқотлар бошқа манзарани кўрсатмоқда. Китлар қўшиғи, филларнинг паст частотали чақириқлари, делфинларнинг ўзига хос овозлари маълум тизимга эга экани аниқланмоқда. Бу тизимлар ортида ахборот, огоҳлантириш, чақириқ ва ҳатто таниш белгилар бор. Сунъий интеллект технологиялари ушбу жараёнда янги саҳифа очди. Катта ҳажмдаги акустик маълумотлар таҳлил қилинмоқда, овозлар орасидаги қонуниятлар ажратилмоқда, турли ҳолатларда ҳайвонлар қандай “гапириши” аниқланмоқда. Илм учун бу оддий техник ютуқ бўлиб қолмаяпти, бу табиатга бўлган муносабатни қайта кўриб чиқишга ундаётган омилдир. Агар инсон ҳайвонни тушуна олса, табиат билан муносабат ҳам ўзгаради. Ўрмон кесиш, океан ифлосланиши, ҳайвонот дунёсига таҳдидлар энди қуруқ рақамлар ёки ҳисоботлар орқали баҳоланмайди. Бу қарорлар ортида овоз борлиги ҳис этилади. Бу овоз эса эътибор талаб қилади. Инсоният тарихида биринчи марта табиат билан жонли мулоқот бошланиш арафасида. Уни тинглаш, тушуниш ва ҳурмат қилиш имконияти пайдо бўляпти. Бу имкониятдан қандай фойдаланиш эса жамият онги, илмга муносабат ва виждон билан боғлиқ. Бу экология, қишлоқ хўжалиги ҳамда табиатни муҳофаза қилиш соҳаларида ёндашувларни қайта кўриб чиқишга, қарорларни илмий ва масъулиятли асосда қабул қилишга туртки беради. Постни диндан оладиган ҳожакаларга жўнатиб, миясини гангитинг )) https://t.me/daydi2021