Post #3311

Ўнта одамга садақа бергандан кўра, биттаям одамни ҳаққини емаслик керак Ҳаммамиз тирикчилик қиляпмиз. Кимдир мактабда бола ўқитяпти, кимдир шифохонада бемор қараяпти, бошқа биров тадбиркор ёки кўчада оддий ишчи. Кун бўйи елиб-югуриб, кечқурун уйга пул кўтариб келамиз. «Бу менинг ҳаққим, меҳнат қилиб топдим», деб ўзимизни овутамиз. Нима деб уйлайсиз ? Шу топаётган пулимизнинг ҳар бир тийини ҳаппа-ҳалолми? Ишхонада саккиз соат ўтиришимиз керак бўлган жойда, 4-5 соатини телефон титиб ёки чойхўрлик қилиб ўтказмадикми? Шифокор бўлсак, бизга умид билан тикилган кўзларга эътиборсиз бўлмадикми? Тадбиркор бўлсак, шеригимизни ёки мижозимизни алдамадикми? Бюджет (халқ пули) ни хоҳлаганча совуриб, ўз манфаатимизни уйлаб иш қилиб, ифторлик дастурхони ёзишга ҳақлимизми ? Бундан ташқари ишга кечикиб келиш, вазифамизни чала бажариш, кунни беҳуда ўтказиш каби нуқсонларимиз бўла туриб ўзимизни мусулмон ҳисоблашимиз мумкинми ? Так что, Рамазонда мусулмон ундан кейин абжир инсон бўлиб яшаш билан ҳеч биримиз ҳақиқий мусулмон бўла олмаймиз. Мусулмонлик бир ойгина эмас, умр давомида бўлиши керак. https://t.me/daydi2021