Post #277

Илһам Шакиров, бистә кешесе: «1959 елда бер төркем сәнгать әһелләре белән мин Тукай-Кырлай авылына колхозчылар белән очрашу кичәсенә бардым. Шул авылның гармунчысы һәм җырчысы Рәхилә апа Әһлиева миңа «Керфекләрең синең нигә кара» дигән көйне җырлап, уйнап күрсәтте. Мин, аны шундук нотага язып алып, Казанга кайткач, радиодан җырладым. Рәхилә апа көйне яздырганда, аның бер урынындагы ярымтонга басым ясап, шуны төгәл башкарырга кирәклеген әйткән иде. Һәм ул шулай башкарылды да. Ләкин шул чорда «Керфекләрең синең нигә кара» дигән җырның икенче бер төрле вариантын да башкаручы булды. Ул вариантта Рәхилә апа әйткән ярымтон төшереп калдырылып башкарыла иде. Сүз уңаеннан шуны да әйтеп китим, көйгә өстәмә аваз кергән саен, ул байый гына бара бит инде».