Post #252

​​Ўзбекистонда Энергетика вазирлиги ташкил этилиши, унга Алишер Султонов раҳбар этиб тайинланиши мумкин Ўзбекистонда энергетика соҳасидаги ягона давлат сиёсатини ўрнатувчи янги ваколатли орган — вазирлик ташкил этилди. Kun.uz’нинг хабар беришича, янги ташкил этилган вазирликка айни вақтда бош вазир ўринбосари — ҳукуматнинг геология, ёқилғи-энергетика комплекси, кимё, нефть-кимё ва металлургия саноати масалалари комплекси раҳбари Алишер Султонов раҳбар этиб тайинланиши кутилмоқда. Тегишли ҳужжатга мувофиқ, «Ўзбекэнерго», «Ўзбекнефтгаз», «Ўзбекгидроэнерго»дан давлат-ҳокимият ваколатларини энергетика соҳасида мазкур давлат бошқаруви органига ўтказиш назарда тутилган. «Шундай қилиб, геология, ёқилғи-энергетика комплекси, кимё, нефть-кимё ва металлургия саноати масалалари комплекси ҳам тугатилиши, ўрнига Энергетика вазирлиги иш бошлаши мумкин. Шу билан бирга Алишер Султонов бош вазир ўринбосари лавозимидан кетиб, вазирлик билан чекланади, аммо аввалдан унинг назоратида бўлган тармоқнинг барча ташкилотлари Султонов ихтиёрида қолади», — деб ёзади интернет-нашр. Президент Шавкат Мирзиёев декабрь ойидаги чиқишларида Ўзбекистонда ҳукуматни ихчамлаштириш, Вазирлар Маҳкамасини ислоҳ этиш зарурати борлиги ҳақида гапирганди. Айни вақтда, у бош вазир ўринбосарларининг бошқа идора, ташкилот, тузилмаларга раҳбарлик қилиш амалиёти тугатилишини ҳам маълум қилганди. 2019 йил январь ойидан ҳукуматни ихчамлаштириш жараёни бошланган. Ҳа-я, айтмоқчи, ўтган ҳафта «Ўзбекнефтгаз» раҳбари ишдан олинганди, унинг ўрнига ким тайинлангани ҳали ҳам маълум эмас. https://t.me/joinchat/AAAAAD63OEHkQHOlfdglMg