Post #264

Maktabni bitirganimizgayam darrov 19 yil to’libdi. Maktab davri doimiy fan olimpiadalari, musobaqalar va turli iliq xotiralar bilan yodda qolgan. Men tamomlagan maktab nafaqat viloyatimizda, balki Respublika darajasida e’tirof etilgan nomdor ta’lim dargohi sanalardi. Tizim shunday kuchli yaratilgan ediki, maktab ichida ham o’quvchilarni salohiyatiga qarab maxsus iqtidorli sinflar shakllantirilgan va ta’lim dasturidan tashqari qo’shimcha fakultativ darslar o’tilardi. Kamina shu iqtidorli sinfda eng kuchlilar bilan o’qidim. Bunda maktabimiz direktori va bizga ta’lim bergan o’qituvchilar jamoasining mehnatlari beqiyos. Bugungi bilimlarimning poydevori aynan shu maktabda qo’yilgan edi. Buning uchun o’z kasbining fidoiylari bo’lgan ustozlarimga o’z minnatdorchiligimni bildiraman. Asliddin Kamol