香港民族協會（温哥華）

Channel photo updated

參軍資訊更新：Reserve 最近幾位報Reserve 嘅BNO visa 手足都闖關失敗，理由都係Reserve 需要ILR。睇嚟佢哋呢個要求短期都會繼續。 另外regular 就睇role，基本上住夠18個月都安全，未夠嘅如果報啲缺人嘅位都可能未住夠入到。

(英國情形)

3月11日嘅參軍Q&A反應不俗，參加者對加拿大參軍嘅資格、入伍生活、技能學習都認識多咗。有見部份報名者因地理原因未能出席，本會將會喺不遠將來加開網上研討會，詳情請留意本會公佈。

本會邀請到加拿大退役兵講加拿大參軍 如果有出席可以pm @LSprin 日期：3月11日晏晝 地點：温哥華（詳細地點確認後通知）

2022年係艱苦嘅一年。 我哋知道喺2019之後，唔少同路人都身陷囹圄，畀我哋嘅中國壓迫者所囚禁。而中國喺2022年，對比2019年嘅暴行嘅可謂變本加厲。三權中嘅立法早已喺2021年被架空：任何人要參選議員，都要由中國篩選過；行政亦受北京持續干預：防疫政策本來係香港決定，但最終都係跟隨中國嘅唔合理政策，服務於帝國嘅利益。最近就連司法系統嘅權力都被剝削：中國派嚟干預嘅官員同行政機關依家可以阻止被告尋求海外普通法司法管轄區嘅律師為自己辯護，即使法庭批准。 香港作為半獨立、高度自治嘅實體存在嘅日子已經進入倒數階段，甚至已經名存實亡，淪陷成為中國帝國主義嘅直轄領土。 儘管2019年起義失敗，儘管我哋民族彷彿只有令人心噏嘅失敗，而冇令人自豪嘅勝利，但我哋都有個重要收穫：我哋發現自己唔係勝利球迷，即使一時失敗亦無意放棄。 我哋唔係因為香港民族可以為我哋帶嚟好處，而加入呢場鬥爭；相反，我哋係因為想為香港民族帶嚟自由先會為佢而戰。 所以我哋都會繼續做應做嘅事，承擔應有嘅責任，承受應有嘅苦痛，為香港民族自由繼續忍耐。 本會僅祝各位喺光復香港嘅路上修成正果。 香港民族協會 2022年除夕（温哥華） 2023年元旦（香港）

香港受中國控制，協助俄羅斯採購晶片。俄羅斯因為戰爭而遭到禁運，包括晶片呢類可以用喺軍備度嘅物資。呢啲經香港入口嘅晶片，好大可能用喺侵略烏克蘭嘅軍備之中。 本會認為，受中國控制之香港當局已經無意或無力配合國際制裁俄羅斯，服務於中國利益，損害世界利益。 本會主張，國際社會應該堵塞漏洞，視香港為中國嘅工具，唔再畀香港以任何有別於中國嘅特權。此類特權喺中國手上只會用嚟損害國際社會嘅利益。

#英國國會 | 外交事務委員會 收集聽證書 ❗️28/11 LAST DAY 請廣傳 ❗️ 國會現邀請公眾遞交聽證書，你嘅意見可能影響好大，影響每一個在英港人，以至成個香港族群。盡公民責任，踴躍提供意見，使港裔嘅聲音被國會聽到。 截止日期：11月28號 23:59 檔案格式：MS Word 詳情：https://committees.parliament.uk/call-for-evidence/2974/ 睇多啲：https://m.facebook.com/story.php?story_fbid=pfbid02ZoGkZ2D1prTPLjz63qsLBDgJ37vgdkrQyu8Zg14QWQQ3Fr5T9Q35bgjaNfEds9oyl&id=100087417099404 ᗑ Follow HK1841 inktr.ee/hk1841hk ᗒ 以香港為本位 連結各地港人

11月11日係和平紀念日，係各國人民悼念戰爭嘅日子。 作為流落異鄉嘅香港民族，我哋選擇呢日悼念2019年為我哋犧牲嘅同伴。 佢哋同我哋一樣係香港人，相信同樣價值、做正確嘅事。佢哋係香港民族不可磨滅嘅過去，塑造咗我哋今日嘅身份。我哋香港民族唔單止要記得前人犧牲，亦要學習佢哋嘅奉獻精神，造福後人。

香港民族協會（温哥華） pinned a photo

香港示威者去曼城中領館集會，遭中國打手拖入領事館範圍施暴。 1. 本會呼籲各位參與中領館示威者注意安全，唔好輕敵。平時亦要操練，應對突發事件雖未必可以全身而退，但亦可以令對方付出代價，同時可以保護同路人。 2. 本會反對息事寧人，建議升級事態。雖然報復方式應由手足自行衡量風險決定，但曼城警方為防我方突入救人而阻擋領事館門口呢點，當地港人可以向市政府陳情投訴並採取法律行動追究。另外要發起宣傳行動，令呢件事傳出西方主流社會，務求最終提升上去外交層面。 （因為事情本末係中國領事館濫權施暴打壓英國嘅示威自由。我哋應該爭取英國輿論，堅持英國要外交回應中國。）