Post #2190

#歷史#H002#日本社運 【真正認識日本左翼社運歷史，提防謬論瓦解革命（下）】 往後散水撚就不斷引用立場新聞嘅一篇謬論，將日本50年代起至80年代止嘅左翼社運同香港嘅情況錯誤類比。該文作者、左膠同散水撚利用滑坡謬誤，要達成目的有兩個：第一，就係污蔑武力抗爭嘅正當性。佢哋好片段式咁抽取史料，甚至歪曲史實去達到「武力—日本社運—失敗」𠵱一串錯誤嘅邏輯關係，中間省略重要失敗嘅因素「左翼」、「共產主義」，再扭曲事實，將失敗歸咎於武力手段。簡單而言，日本左翼社運失敗就係源自佢哋提倡共產主義，而共產主義根本唔會得到已經分享到經濟成果嘅國民支持，最終失敗只係因為思想嘅汰弱留強。 第二，𠵱篇文就係要阻止我哋批評自省，阻止我哋透過戰略檢討去進步，令受眾拒絕思考。佢哋利用錯誤嘅邏輯關係「批評—赤軍—自相殘殺」，將批評就等同「自相殘殺」，然後變成「赤軍內鬥」。我哋嘅舊文講過，群眾抗爭無大台嘅最大優點，係透過集體智慧喺成場運動入面不斷自我完善[2]。用「日本社運」嚟恐嚇大眾，然後制止所有批評，完全係迴避問題，亦都令自我完善嘅機制失效。手足有無好似赤軍咁，禁錮大眾喺某個地方，開「反省會」作思想交代？有無批鬥自己友，批鬥到要殺害同路人？我哋嘅前線手足從來冇咁做，反而2014年就有泛民糾察打抗爭者，打到嚴重到入醫院[3]。另一個左膠常見嘅扣帽子方式就係「批評＝文革式批鬥」，呢個論調過份低智，在此不贅。 當下香港情況係俾敵國入侵、殖民清洗，除非風向撚認為香港人係追求緊共產主義，否則根本唔可以同日本左翼追求佢哋嘅「共產主義烏托邦」相提並論。散水撚同左膠最終目的就係令香港人自我設限，失去武力抵抗同自我完善機制兩大元素，長此下去，即使係無大台群眾運動都會自然瓦解，不費吹灰之力就可以幫政權維穩。希望藉住重新認識日本社運𠵱段歷史，幫助手足認清事實，一齊導正風向，以正視聽。 = [1]: 立場新聞 - 日本社運失敗的歷史 https://tinyurl.com/yyd5q8am/ [2]： 【「勿分化，不割蓆」唔係拒絕思考、迴避批評嘅擋箭牌】 https://t.me/hkmanual/125 [3]：去大台叫救命, 被糾察打到我入廠 https://tinyurl.com/y3fdjp73 = 【真正認識日本左翼社運歷史（上）】 https://t.me/hkmanual/204 == 請follow《香港革命指南》 @hkmanual