Post #2192

（轉載） 抗爭至今已經接近5個月 我地失去既手足不計其數 有朋友講笑咁問過我 點解你咁有恆心去禁700次驗證碼 我答佢, 如果咁都唔做, 對唔對得住每日企係前線既手足 我咁樣講唔係代表我做左好多野 相反係我仲可以做幾多野 抗爭融入生活係實踐唔係口號 唔係你出去和理非行完就繼續食美心飲STARBUCKS或者根本冇出過嚟 唔係你SHARE完一個STORIES就覺得自己做左文宣 係呀,要贏係好難嫁! 係要靠你靠我係生活大大小小既事 去控訴呢個社會, 去話俾呢個極權聽不自由 毋寧死 你地有無諗過, 當你地仲有機會去吃喝玩樂既時候 仲有機會去同自己愛既人計劃將來既時候 仲有機會去為自己仔女搵學校諗移民既時候 仲有機會同自己屋企人慶祝生日既時候 梁烈士已經無法再去好似你地咁諗點樣一成首期買樓 荃灣既阿米已經無法再好似你地咁用對腳WAKESURF踢波遊船河 姚妹妹已經無法再用一對眼睛去欣賞呢個世界 健仔已經無法再繼續係應該快樂讀書既時間去學習 霖霖已經無法再知道佢16歲生日既蛋糕係咩口味 梓樂已經無法知道聽日既自己仲可唔可以生存到 仲有天琦犧牲左人生最寶貴既5年為大家爭取你本應有份爭取既自由！ 仲有好多好多手足被雞姦, 性侵, 虐打, 骨折, 昏迷 佢地既康復期可能要用上一年兩年, 什至一輩子 身體上既傷痕可以隨時間消失, 但心靈上既創傷 試問我地邊一個有資格可以去彌補 我只係想問一句, 如果你睇哂我以上所打既字 都依然覺得自己做得夠多, 或者覺得唔需要做任何野 咁請你高抬貴手UNFRIEND 我 如果你睇完以上既字, 覺得自己可以一齊進步 咁我用最大既誠意去邀請你同我一齊做以下既事: 1) 文宣 (唔係講緊淨係隨手Share既stories, 係要落街貼, 唔貼都陪住手足, 幫手睇哨做cover,用Twitter做國際文宣等. 最緊要你要清楚究竟咩叫做文宣！ 唔係齋鬧齋嬲齋share！) 2) 罷食罷買藍店紅店 ( 其實得閒用多兩三分鐘去搵下資料先決定都唔係阻你好多時間, 最好幫下d細型小黃店, 黃色經濟圈) 3) 義工 (如果你有時間, 其實好多活動好多地方都需要唔同義工, 得閒上網睇下唔好懶) 4) 有同政府攬炒既方法都盡做 (例如人地辛辛苦苦寫左個app俾你一蚊一蚊交錢唔洗你手動整了就用下啦 etc etc) 5) 發夢 (呢樣唔洗講太多, 自己諗, 唔好同我講無黨鐵搭影響你決心, 諗番十號風球你點樣用盡方法番屋企一樣, 如果你要做, 你一定有辦法, 出去既手足都係一樣咁去, 佢地唔識飛嫁大佬！ 同埋唔好講咩身體唔舒服，有屋企人要照顧有樓要供等， 大部分勇武都有屋企人，每個人都有自己身體嘅問題每個人都有自己嘅顧慮，自己去衡量！) 6) 有錢出錢 (大把野你可以捐, 立場, 星火, 其他自己去搵下唔好懶! ) 7) 聯署, 表揚信 ( 呢D 3分鐘可以做完既事唔好俾藉口自己得唔得, 無可能100%填得哂, 盡填囉! ) 8）罷黨鐵（盡做！） 其實我都諗唔哂仲有咩可以做, 但我每日都會諗我仲可以做咩！ 我相信世上無難事只怕有心人！ 我只係希望, 終有一日我地可以煲底除罩相見！ 如果你有睇哂, 可唔可以應我一句, 好, 一齊做! 希望大家LIKE完都會手動轉, 用你既力量影響身邊更多既人~