Post #2208

齊上齊落 一個不能少 五大訴求 缺一不可 光復香港 時代革命 香港人加油 香港人反抗 香港人報仇 呢啲說話邊個唔識講 已經講到識得掉轉背 言出必行不説慌係人基本嘅責任 講得出就要做得到 每次約人出去就百幾人話會去 次次出到去就得果十幾廿人 嗰種絕望無助咁我係絕對體會到 我哋做前線嘅面向警察我哋係唔會驚 我哋亦都唔驚食催淚彈食子彈比人打 我哋最驚係一望後面冇人 呢場抗爭就快半年啦 我哋引用一下烏克蘭來做例子 佢哋用咗93日就成功爭取到佢哋想要嘅嘢 死咗125人，1900多人受傷，65人仍然失蹤 我哋何常吾係 難道我哋死嘅人，傷嘅嘅人，失蹤嘅人會比佢地少？ 點解人哋93日就成功而我地就快半年都未得？ 係因為人哋係團結，真係齊上齊落，前線永遠後面係有人喺度 要拉嘅一齊拉，要打嘅一齊打，要死一齊死 講呢番說話絕對唔係話針對邊一個人 我只係想再次見返當初嘅200萬人 我只係想見番當初香港人嗰種真。齊上齊落嘅精神 其實如果犧牲自己可以換來呢場抗爭嘅勝利 我相信好多人同我一樣都係願意 但係我哋要嘅係一個都不能少，係真係一個都不能少 有多一個人支持我地，我哋就有多一份勇氣和動力繼續行落去 我哋所有真香港人都有一個約定 就係終有一日要係煲底下相見 我約定你啦，唔好放飛機 可唔可以再重現多一次二百萬人，甚至更多 可唔可以重現多一次當初嘅齊上齊落 我求下你地🙏🏻