Post #2414

之前連登見到呢段嘢，呢位巴打講得非常好，俾大家睇一睇。 小編想講，要贏從來冇得走精面，係呢一個無法無天嘅港共政權底下，無論你只係想達到五大訴求定係香港獨立，你最終都係必須要打一場硬仗，無論黃色經濟圈定選舉，佢哋只能夠增加優勢，但係上面講嘅呢啲嘢永遠永遠都唔會直接帶來勝利。 俾多少少勇氣，一係全面不合作， 一係勇武起來，唔使多，和理非嘅朋友下次試吓拎起個水樽，然之後每一次做多啲慢慢進化，總有一日你就會追得上前線嘅步伐。前線唔係石頭爆出嚟，佢哋都係一步步慢慢進化，可能今日大家見到嘅魔法師一四年嘅時候仲玩緊苦行。 //抗爭就係抗爭，革命就係革命， 有d人夾硬將時代革命解釋做香港人做左好多令人驚訝既事， 其實只係取巧投機，革命就係推翻政府，無其他意思。 由黃色經濟圈，到籌旗打官司，選舉路線，或者整咩記錄片， 其實都係輔助作用，黃色經濟圈？我可以用食環、消防、黑社會去拆你鋪， 選舉？我電子種票、空頭公司票、大灣區投票， 打官司？我另立特別法庭、拉你律師、沒收抗爭基金， 始終終有一日香港人要武裝抗爭，要全面既真不合作運動， 唔好妄想可以有捷徑，可以制度改革，首先大家要承認， 大家係生活係一個「和尚打傘，無法無天」既社會， 而我地只需要記住「革命無罪，造反有理」。 勇敢地起來反抗吧！// 補返Link: 星火件事話比我地聽，無論想點樣走精面抗爭，最後都唔會成功。 https://lih.kg/1790257 - 分享自 LIHKG 討論區