Post #2502

［追求香港獨立的看法］［唔係分化，想講清楚件事］［認同請廣傳］ 近期有很多關於「港獨」的討論，很多都是圍繞住「時機」，有人話時機未到，有人話現在就是時機。 大家好似忽略左一個問題，有冇諗過我們陣營入面，有幾多人真係追求香港獨立？我地應唔該新增一個超高難度既訴求？ 如果將運動的訴求加入獨立，係唔係騎劫左淨係支持「五大訴求」的手足？會唔會有好多手足退出運動？ 以我所知，好多中年人、銀髮族根本冇諗過爭取香港獨立，佢地會唔會覺得反感？會唔會覺得不受尊重？佢地好少係連登、TG發表意見，會唔會忽略左佢地既看法？ 運動有過百萬人參與，很大部份是因為「五大訴求」得到廣泛社會大眾的認同，我們希望香港能夠有真正的高度自治，真正的公平普選，重建一個守規、正義的警隊。我們的「五大訴求」是合法合情合理的追求，所以得到國際社會的支持。 全體手足的一致共識係「五大訴求」，本頻道擔心港獨口號，會造成內部分化。因為有人支持港獨，有人反對港獨。 是否支持港獨，係一個嚴肅既政治立場，唔係一句「兄弟爬山、各有各做」就可以解決。因為衣個係目標既問題，唔係手段既問題。 其實追求港獨既手足，會唔會試下用香港獨立既名義（唔係五大訴求），去舉辦遊行示威？點解唔試下水溫，了解下香港有幾多人係支持港獨？ 如果追求獨立既手足，淨係民陣、民間集會團隊既「五大訴求」遊行集會，先至叫夠膽借機會叫港獨口號，其實係唔係有勇氣堅決追求港獨？