Post #2834

香港人要開始為獨立做準備 呢度講獨立，從來唔係想宣洩情緒，亦唔係想講民族論，而係作為香港自救嘅其中一條出路去考慮。點解要開始準備獨立？琴日中聯辦一句「不是一般意義上中央人民政府下屬部門」，就可以不受基本法約束，實質上公然結束兩制。而且呢單唔係孤立嘅新聞，從港澳辦批評高院對蒙面法違憲嘅判決，點名干預立法會內會事務，仲揚言立23條係義務，「只有一國之責，沒有兩制之分」。其實就爭直接宣佈結束一國兩制。但佢唔敢講，正正因為結束嘅後果不確定。兩制係一國嘅前提，唔係兩辦顛倒是非的所謂由中央賦予，你試下只講一國不談兩制，當年收唔收得翻香港？既然依家實質上兩制已亡，契約已毀，香港人有權利，亦有必要準備多一條出路。 體制內要爭奪權力同資源。嚟緊嘅立法會選舉要過半，已經唔需要討論。搞初選，配票，做文宣拉票，做好dq嘅應對。唔好一篙竹打死一船人，守住立法會可以增加對家進攻成本，如果要獨立亦能更快平穩過渡，過渡期太長就容易被人乘虛而入。 制度外，要有足夠準備喺被dq後不斷有人補上。要以為獨立拉攏更多支持為目的去做文宣，所以要用更普世嘅角度去說服人，至少帶起民間對獨立嘅討論，例如點突破憲制，點建立新制度，經濟出路可以係點，係咪可以擴大黃圈connect台灣，台灣做生產，香港做貿易，形成台港經濟圈。唔好再停留喺民族論上，而係要開始務實d去討論獨立嘅路線圖。 中共已經開行turbo做嘢，諗住趁其他國家忙疫情嘅呢段時間快刀砍亂麻。與其咁得閒喺度鬥黃，不如諗下點行呢條出路啦。