Post #2909

#讀者投稿#台灣 想借SS分享去台灣旅遊嘅經驗，手足狗衝過嚟之前可以做多少少預備，會順好多。 A.學歷證明 有唔少手足過嚟果陣執漏咗畢業證書，加上台港無學歷互認，無學歷證明頂盡係中小企到做，大公司係唔會請。 建議手足過嚟之前，去金鐘嘅台北經濟文化辦事處公證學歷，去之前打去記得打去問清楚要準備d乜。如果有畢業證書+英文好，係台灣搵工嘅待遇係可以好好。 ps. 記住，辦事處門口有機會有可疑人士徘徊偷拍，唔好同陌生人搭嗲，入到去唔好同職員亂講嘢，勿自爆。 B.低調 唔好天真假設所有台灣人都係支持反送中，本地人係有唔少親共人士，另外要強調一次，台灣好多共諜、大陸新移民、土炮藍絲廢老，而呢班人係同香港嘅一樣咁仆街，職業級果啲更會出動影大頭、扮自己人收料，我係台灣嘅示威現場見唔少... 加上台灣好多人識聽廣東話，唔該靜靜雞收下把口，無人想知你做過乜。對家從來無放棄過起晒所有手足人物關係圖出嚟，遇到有人拍膊頭提你靜靜雞嘅話，唔該客客氣氣認真諗諗，唔好自以為是為面子鬥氣，「愛面子」係支那人嘅基因。 C.私隱 如果唔係本身真人識嘅朋友，唔好係公海識陌生人，約出嚟更加係玩命，我可以好肯定同你講，係有鬼專登過嚟扮手足套料。台灣有NGO係幫緊手足搞簽證，唔好自己亂信其他人話可以幫你搞簽證。 ps. 唔好俾料台灣政黨/政客，就算係綠營都有內鬼，自己睇路 D.紀律 係台灣犯法，係會影響到居留資格，而且呢邊會有d騎呢法例，記得做個守法嘅人。切記唔好做任何會傷害手足或當地人嘅事，貪心、咸濕都不了，約束唔到自己，因為私心傷害人，同黑警有咩分別？想識伴侶，唔該唔好用「義士」呢個名義去騙取同情心，滿足自己嘅私慾。無論咩群體，都一定有害群之馬，希望唔會係睇緊呢篇文嘅你，行事為人對得起「義士」兩個字。 E.累積實力 嚟到台灣重新開始，唔該生生性性。讀書嘅認真讀，做嘢嘅認真做，積極裝備自己，海外支援可以做到嘅嘢比你想像得嘅多：幫新嚟手足適應？大外宣？海外資訊臺？提出新方向？金主？無實力嘅行動，只會成為空想，請積極裝備自己，成場革命，最需要嘅係有實力嘅人才，唔係話企係最前線同朝廷鷹犬肉搏先叫「做緊嘢」，冷靜頭腦定位自己可以做到乜。 我自己會繼續裝備自己，探索可以再貢獻到啲乜，共勉之 —光復香港，時代革命—