Post #3301

https://www.patreon.com/posts/131398861 //PETER:侵馬引蛇出洞 早排同長輩食飯，佢話侵侵同馬斯克今次一鬧交，應該有排都唔會好返，股價唔會上返去，自己仲準備等低啲再大手落注云云。唔夠一日，就立即互刪鬧交post，股價回彈，果位長輩又話佢地借鬧交舞高弄低。我就心諗，之前侵侵出個twit就做到嘅野，點解要夾埋馬斯克一齊做場大龍鳳？過幾日，就有LA大遊行嘅消息，又聽到有人收錢暴動，十足十聽另一位長輩描述小時候所見六七暴動咁。 如果搞事者趁侵侵同馬斯克鬧交落重本周圍派錢叫人暴動，諗住侵侵分身不暇，點知錢就俾咗，各單位各就各位，然後侵馬鬧完交，點算？箭在弦上，不得不發，唯有硬住頭皮一錯到底，博有得翻身。於是LA終於都係暴動，但係侵侵早已黃雀在後，set定個氹俾暴動黨（即係民主黨）踩，暴動黨入面身光頸靚啲人最多破財擋災，但係手下班搞事分子就被一下引出嚟，以後再無得好似BLM之類「運動」咁到處打砸搶燒。//