Mahbubiy | محبوبى

#kitobdan Аллоҳим! Бизларнинг барча ишларимизни ислоҳ қил! Кўз очиб-юмгунча ҳам бизни на ўзимизга, на бирор яратганингга ташлаб қўйма! Сен Ўзинг бизларга валий, ёрдамчи, кўмак ва кўмак берувчи бўл!

#kitobdan Аллоҳ қалбимдаги санчиқларни даволайди, фақат бироз сабр керек, вақт керек. Ҳар бир кишининг баҳори бор, албатта, акс ҳолда гулларнинг ифорини ким ҳам соғинарди? Баҳорни ким ҳам кутарди?

#kitobdan Абдуллоҳ ибн Умар родияллоҳу анҳумодан ривоят қилинади: «Росулуллоҳ соллаллоҳу аълайҳи васаллам: Аллоҳ таоло ва Унинг фаришталари саҳарлик қилувчиларга раҳмат тилаб, дуо қиладилар», деганлар. Табароний ва Ибн Ҳиббон ривоят қилишган

#kitobdan Абу Ҳурайра родияллоҳу анҳудан ривоят қилинади: Росулуллоҳ солаллоҳу аълайҳи васаллам Рамазон кечаларини ибодат билан бедор ўтказишга тарғиб қилар, аммо қатъий буйруқ бермас эдилар, «Ким Рамазонда иймон билан ва савоб умидида қоим бўлса, ўтган гуноҳлари мағфират қилинади», дер эдилар. Буҳорий ва Муслим ривоят қилишган

#kitobdan Endi hammasini yozib chiqmoqchiman. Yaxshiki, shu mashgʻulotim bor, boʻlmasa yuragim tars yorilib ketar edi. *** Qogʻozga tushirilsa, bu taassurotlar kishiga orom beradigan, silliq yozilgan asar xarakterini kasb etadi, dahshatli tushlarga unchalik oʻxshamaydi, menga shunday tuyuladi, qalam tebratishning oʻzi eng ajoyib ish: u kishiga orom beradi, tinchitadi, menda avvalgi yozuvchilik ilhomlarini qo'zg'atadi, xotiralarim va alamli orzularimni ishga va mashg'ulotga aylantiradi.

#kitobdan Денгиздан келаётган ҳавони танангда ҳис қилиш учун қўлларингни кўтар, юрагинг учрашувининг ҳаяжони билан урсин ва қўлларингни, юзингни сув билан учраштир, гуноҳларинг бирма-бир тўкилсин. Дунёда бирор илинжинг қолмасин ва шунда чорасиз ҳам қолмайсан.

#kitobdan Фузулий девонини варақлар эди. Аммо Фузулийнинг ранг-баранг шеърлари устида қаноатланиб тўхтамас, ҳамон варақлагандан-варақлар эди. Шоирнинг нафис шеърлари ҳозир унинг учун тузсиз сўзлар йиғиндисидан бошқа бир нарса эмас эдилар.

#kitobdan Сусий роҳматуллоҳи аълайҳ айтади: «Ихлос — ихлоснинг кўринишини йўқотишдир. Ким ўз ихлосида ихлосни кўрса, ихлоси ихлосга муҳтож бўлади.

#kitobdan Бир ҳакимдан: “Нега одамлар бошқаларнинг айбини кўрганчалик ўзининг айбларини кўра олмайди?” деб сўрадилар. Ҳаким: “Чунки инсон ўзига ошиқ, ошиқ эса маъшуқнинг айбини кўрмайди” , деб жавоб берди.

#kitobdan Фақиҳлари кўп, табиблари йўқ жамиятга яна бир фақиҳ шарт эмас.

#kitobdan Бу дунёда қалби ва ақли сенга мос бўлган кишига дўстлик қилиш маъво Жаннатига тенг қийматдир. Қалби сендан узоқда, ақли сенга тескари киши билан бир ерда бўлиш эса бу дунёнинг Жаҳаннамидир.

#kitobdan Росулуллоҳ аълайҳиссалом вафот этганларида, Яъфур номли эшаклари ўзини қудуққа отиб ҳалок қилди. Яна Қасво, Жадъо ва Азбо деб аталмиш туялари бор эди. Булар орасида Азбо чопағон эди, пойга чопишганида туялар ҳеч олдинга ўтмаган эди. Росулуллоҳ аълайҳиссалом вафотларида шу туялари мотам тутиб, емай-ичмай охири очликдан ҳалок бўлди.