czaroot

Зграбныя групавыя барчарты з пазначаным давяральным інтэрвалам. Падабаецца як нязмушана і натуральна паказаны дыяпазон імаверных значэньняў, падкрэсьліваючы існуючую нявызначанасьць. Цікавы яшчэ выбар метаду візуалізацыі. Мне б карціла тут ужыць слоўпчарт.…

Зграбныя групавыя барчарты з пазначаным давяральным інтэрвалам. Падабаецца як нязмушана і натуральна паказаны дыяпазон імаверных значэньняў, падкрэсьліваючы існуючую нявызначанасьць. Цікавы яшчэ выбар метаду візуалізацыі. Мне б карціла тут ужыць слоўпчарт. Зрэшты, абраны фармат са сваёй задачаю выдатна спраўляецца. Крыніца: Spiegel, So würde Deutschland heute wählen

Простакутная картаграма Апошні з чатырох найбольш пашыраных метадаў статыстычнага мапаваньня. Што праўда, у сваёй зацемцы я збудаваў толькі непрымыкаючыя версіі данага тыпу — картаграму Райса і картаграму Дэмерза — што можна разглядаць як прыватныя выпадакі картаграмы Дорлінга, бо лакалізацыя рэгіёнаў грунтуецца на падобных прынцыпах, а адрозьніваюцца яны між сабою толькі фігураю, што кадуе колькаснае значэньне (простакутнік, квадрат і круг, адпаведна). https://yanouski.com/work/graphing-belarus/rectangular-cartogram/ На анімацыі насельніцтва Беларусі адлюстравана пры дапамозе картаграмы Райса. Для кожнага рэгіёну трымапам паказаны жыхары гарадоў і сельскай мясцовасьці.

Затое бясспрэчна станоўчай ўласьцівасьцю непрымыкаючай картаграмы ёсьць размяшчэньне ўсіх рэгіёнаў на сваіх месцах і іхная пазнавальная форма. Ад пачатку я быў скептычна глядзеўшы на падобны метад візуалізацыі прасторавых зьвестак (як і на бурбалкі раней), але памацаўшы рукамі, пагуляўшыся з рознымі варыянтамі, прыглядзеўшыся ўважлівей да работ калегаў, справіўся са сваёю катэгарычнасьцю і троху палагоднеў да такога тыпу картаграм, нягледзячы на ўсе абмежаваньні. Што праўда, наўрад ці часта буду карыстацца гэтым метадам, бо для працы са зьвесткамі па рэгіёнам Беларусі ўзроўню раёнаў непрымыкаючая картаграма ёсьць варыянтам далёка ня лепшым, менавіта з-за ввылучэньня Менску і гарадоў абласнога падпарадкаваньня ў асобныя адміністратыўныя адзінкі. Вялікая розьніца ў памерах гарадоў і раёнаў нівэлюе перавагі метада візуалізацыі. У якасьці кампрамісу можна агрэгаваць усе значэньні да ўзроўню раёнаў, але гэта, у сваю чаргу, можа істотна збедніць аналіз. Інтэрактыўная версія непрымыкаючай картаграмы Беларусі са зьвесткамі па працаздольным групам і часткай працоўных па рэгіёнам: https://yanouski.com/work/graphing-belarus/non-contiguous-cartogram/

Наступным прыпынкам у гэтым картаграфічным экскурсе ёсьць непрымыкаючая картаграма. Метад грунтуецца на простай ідэе зьмяняць плошчу рэгіёнаў адпаведна значэньням. Гэтая ж ідэя, дарэчы, робіць такі метад віуалізацыі падступным пры аналізе: ёсьць аблуднае жаданьне параўнаць плошчы рэгіёнаў між сабою. Бяда ў тым, што ў максымальным значэньні рэгіён будзе мець сваю арыгінальную плошчу, якая ва ўсіх рэгіёнах розная. Такім чынам, 100 умоўных адзінак у Жабінкаўскім раёне візуальна (па плошчы) будуць тоесныя 25-ці адзінкам Лунінеччыны, што, вядома ж, можа стварыць пэўную блытаніну пры аналізе. Вядома, ёсьць розныя падыходы і няма патрабаваньняў трымацца выключна ў першапачатковых геаграфічных межах. Але ў адваротным выпадку паўстае праблема напластаваньня рэгіёнаў. Яшчэ адной праблемай ёсьць мудрагелістыя формы рэгіёнаў з рознымі выгінамі і дзіркамі, што таксама можа спрычыніцца да напластаваньня аб'ектаў і ўскладніць аналіз.

Працягваю знаёміцца з фарматам topojson і практыкавацца ў пабудове картаграм. Гэтым разам узяўся за бурбалкавую картаграму Дорлінга. Па спасылцы інтэрактыўная версія з кароткімі нататкамі пра сам метад і працэс работы з некаторымі тэхнічнымі дэталямі: https://yanouski.com/work/graphing-belarus/dorling-circular-cartogram/ Павярхоўна быў знаёмы з гэтым тыпам визуалізацыі, але ніколі асабліва не разглядаў яго сур'ёзна. Цяпер жа, наладзіўшы шаблён і троху пагуляўшыся, пранікся да бурбалак большаю павагай 🫧

Даўно хацеў паглядзець як робяць неперарыўную картаграму і, нарэшце, дабраўся ды пабудаваў ізадэмаграфічную мапу Беларусі. Не бяз хібаў, але агулам справіўся. Паглядзець можна тут: https://yanouski.com/work/graphing-belarus/isodemographic-map/ На картаграме, дзе пазначаны ўсе гарадзкія паселішчы, ня вытрыманы належныя прапорцыі паміж плошчамі гарадзкой/сельскай мясцовасьцяў. Плошчы рэгіёнаў тож суадносяцца між сабою неадэкватна. Магчыма, праблема палягае ў тэхнічных асаблівасьцях згенераванага topojson — паспрабаваў некалькі варыянтаў, але глыбока не капаў ды так і кінуў. У той жа час, калі пакінуць толькі буйныя гарады, картаграма генеруецца ў большай адпаведнасьці са зьвесткамі і гэтым разам плошча рэгіёнаў ужо дае слушнае ўяўленьне аб колькасьці насельніцтва, што там жыве.

Data Visualization Society агаласіла вынікі сёлетняга выпрабаваньня SOTI 2023 (штогадовае апытаньне дзеячоў індустрыі датавізу). Граф сувязяў інструмэнтаў для візуалізацыі зьвестак, з якім я браў удзел у чэленджы, быў абраны на 1-е месца сярод аналітычных візуалізацый (катэгорыя Exploratory) 🎉 Паглядзець усе работы гэтага году можна на старонцы праекту.

Выклаў шаблон адміністратыўнай мапы Беларусі для свабоднага карыстаньня ў фарматах svg, png, json: https://czrt.by/projects/belarus-administrative-map/ Файл зьмяшчае межы краіны, абласьцей, раёнаў, сельсаветаў, местаў і мястэчак. На старонцы маецца інтэрактыўная дэманстрацыя, каб паглядзець больш зьмястоўна. Мапа падрыхтавана на грунце зьвестак OSM, каардынаты межаў спрасьціў мапшэйдэрам дзеля аптымізацыі памеру файлу.

Тым часам #30DayChartChallenge працягваецца. Наперадзе застаўся ўжо апошні тыдзень, за які, шо праўда, я маю пасьпець падрыхтаваць яшчэ 13 макетаў 😮‍💨 Сабраў свае чарты да выпрабаваньня на адной старонцы — https://yanouski.com/work/30-days-chart-challenge-2024/

📈Белорусская инфографика Давно слежу за Игорем Яновским, дизайнером инфографики из Беларуси. Он, как и многие из нас, участвует в #30DayChartChallenge и делает потрясающие визуализации. Только посмотрите на них! Сайт Игоря: http://czrt.by/

Добрая нагода змахнуць пыл з каналу, каб паведаміць, што гэтым месяцам бяру ўдзел у выпрабаваньні #30DayChartChallenge і прайшоў амаль палову. Вялікі дзякуй @data_publication і @chartomojka за водгук і добрыя словы! Запрашаю сачыць за новымі работамі ў інстаграме і лінкд'іне