Post #6694

Беларускі ПЭН далучыўся да заявы праваабарончай кааліцыі супраць адвольнага прызнання нядзейнымі пашпартоў грамадзян Рэспублікі Беларусь. Адвольнае прызнанне нядзейнымі пашпартоў людзей, якія пераследуюцца з палітычных прычын, з’яўляецца не проста адмовай дзяржавы ад абароны сваіх грамадзян, але наўмысным злоўжываннем уладай з боку дзяржаўных органаў, якія мусяць забяспечваць абарону правоў грамадзян. Прызнанне нядзейнымі пашпартоў (нават пры фізічнай адсутнасці пашпарта на руках) у дадатак да прымусовай высылкі дэманструе не толькі неправамернасць такіх дзеянняў, але і асаблівы цынізм уладаў, якія імкнуцца любымі даступнымі спосабамі пагоршыць становішча, падоўжыць пакуты і прыніжэнне годнасці людзей, што пераследуюцца паводле палітычных матываў. 👉Чытаць заяву цалкам Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат