Post #6713

Сёння апошні дзень рэгістрацыі на сустрэчу з нобелеўскім лаўрэатам Алесем Бяляцкім у Варшаве! Studium Europy Wschodniej, Беларускі ПЭН і Праваабарончы цэнтр «Вясна» запрашаюць на публічную сустрэчу з Алесем Бяляцкім. Сустрэча адбудзецца 20 красавіка 2026 года а 17:30 у гістарычным корпусе Варшаўскага ўніверсітэта (Krakowskie Przedmieście 26/28, «Stary BUW», уваход праз галоўную браму ўніверсітэта). Гэта ўнікальная магчымасць сустрэцца з чалавекам, які на працягу дзесяцігоддзяў знаходзіўся ў эпіцэнтры барацьбы за праўду, правы чалавека, культуру і незалежнасць. За сваю праваабарончую дзейнасць Алесь Бяляцкі правёў у зняволенні ў сукупнасці больш за сем з паловай гадоў. Таксама можна будзе набыць кнігу Алеся Бяляцкага і атрымаць аўтограф. ‼️Удзел у мерапрыемстве патрабуе папярэдняй рэгістрацыі, а для ўваходу на сустрэчу трэба мець пасведчанне асобы з фотаздымкам. Колькасць месцаў абмежаваная, рэгістрацыя даступная толькі да 17 красавіка. Уваход у залу будзе адкрыты з 17:00. Будзем радыя бачыць вас!