Намери подобно съдържание

Xitoy ishbilarmon doiralari bilan qo‘shma loyihalar bo‘yicha kelishuvlarga erishildi Ikki davlat Prezidentlarining o‘zaro ishonch va do‘stona munosabatlari natijasida O‘zbekiston va Xitoy o‘rtasida yangi davrdagi har tomonlama strategik sheriklik aloqalari izchil rivojlanib, savdo-iqtisodiy, investitsiyaviy hamda madaniy-gumanitar hamkorlik tobora mustahkamlanib bormoqda. Bu jarayonda Xitoy Xalqaro kommunikatsiya markazining hissasi alohida ahamiyat kasb etmoqda. Bugun Termiz xalqaro savdo markazida Surxondaryo viloyati hokimi Ulug‘bek Qosimov vohamizga amaliy tashrif bilan kelgan Xitoy Xalqaro kommunikatsiya markazi raisi Long Yuysyan hamda "JDB Group Limited" kompaniyasi raisi Chen Xung To boshchiligidagi delegatsiyani qabul qildi. Unda O‘zbekiston Respublikasi Vazirlar Mahkamasining Xitoy bilan aloqalar bo‘yicha boshqarmasi boshlig‘i Ixtiyor Niyazmuradov hamda Tog‘-kon sanoati va geologiya vazirining birinchi o‘rinbosari Feruza Hamidova ham ishtirok etdi. Uchrashuv doirasida avvalgi muzokaralarda erishilgan kelishuvlarga asosan loyihalarni amalga oshirish, Surxondaryo viloyatida oltinga istiqbolli maydonlarni hamkorlikda o‘zlashtirish, qimmatbaho ma’danlarni qayta ishlash loyihasini yo‘lga qo‘yish bo‘yicha kelishuvlar imzolandi va o‘zaro hujjatlar almashish marosimi o‘tkazildi. #Surxondaryo#Xitoy#JDBGroupLimited#HarvestEpochStrategic#Hamkorlik Veb sayt | Telegram | Facebook | Instagram | YouTube | X

Xitoy delegatsiyasiga Surxondaryo viloyatining investitsiyaviy salohiyati taqdim etildi Amaliy tashrif doirasida Surxondaryo viloyatiga kelgan Xitoy Xalqaro kommunikatsiya markazi raisi Long Yuysyan hamda "JDB Group Limited" kompaniyasi raisi Chen Xung To boshchiligidagi delegatsiya viloyat hokimi Ulug‘bek Qosimov hamrohligida Termiz xalqaro savdo markazi faoliyati bilan tanishdi. Uchrashuv va taqdimotlar jarayonida mehmonlarga Surxondaryo viloyatining investitsiyaviy salohiyati, hududning strategik geoiqtisodiy joylashuvi, ishga solinmagan resurs va zaxiralar, shuningdek, tashqi bozorlar bilan hamkorlikni kengaytirishga qaratilgan istiqbolli yo‘nalishlar atroflicha taqdim etildi. Delegatsiya hamraisi Long Yuysyan Surxondaryo viloyatining qishloq xo‘jaligi sohasidagi yuqori eksportbop salohiyatini alohida e’tirof etib, hududda yetishtirilayotgan sifatli va raqobatbardosh qishloq xo‘jaligi mahsulotlarini Gonkong bozorlariga chiqarish bo‘yicha qo‘shma loyihalarni amalga oshirish tashabbusini ilgari surdi. Mehmonlar Termiz xalqaro savdo markazi Janubiy, Shimoliy va Sharqiy Osiyo davlatlarini o‘zaro bog‘lovchi muhim mintaqaviy logistika habi sifatida shakllanish imkoniyatiga ega ekanini ta’kidlab, Gonkonglik investorlarni Surxondaryo viloyatiga jalb etishda ko‘maklashishga tayyor ekanliklarini bildirdi. Xitoy delegatsiyasining Surxondaryo viloyatiga amaliy tashrifi yakunlangach, mehmonlar viloyat hokimi Ulug‘bek Qosimov tomonidan Termiz xalqaro aeroportidan kuzatib qo‘yildi. #Surxondaryo#Xitoy#JDBGroupLimited#Airitomfreezone#Hamkorlik#Tanishuv Veb sayt | Telegram | Facebook | Instagram | YouTube | X