@Chilonzor_tuman_hokimligi · Post #82068 · 22.03.2026 г., 15:55
#Navroz #Chilonzor #XalqSayli #MilliyQadriyatlar #OshFestivali #Birdamlik #BayramShukuhi Navro‘z Chilonzorda o‘zgacha shukuhda nishonlandi Chilonzor tumanida Navro‘z umumxalq bayrami bu yil ham o‘zgacha ko‘tarinki ruh va keng quloch bilan nishonlandi. Xususan, Al Xorazmiy nomidagi тurizm ko‘chasida tashkil etilgan “Xalq sayli” tumandoshlarimiz uchun unutilmas taassurotlarga boy bo‘ldi. Bayram saylida ishtirok etgan fuqarolar milliy qadriyatlarimiz, urf-odatlarimiz va an’analarimiz aks etgan ko‘rgazmalar bilan yaqindan tanishib, Navro‘zning haqiqiy shukuhini his etdilar. Turli viloyatlar an’analariga xos tarzda bezatilgan Navro‘z dasturxonlari, milliy taomlar va urf-odatlar namoyishi barchada katta qiziqish uyg‘otdi. Tadbir davomida Chilonzor tumani hokimi Saidqahhor Xolxo‘jayev boshchiligida tuman prokurori, IIOFMB, tuman Soliq inspeksiyasi hamda boshqa tashkilot va boshqarma rahbarlari bayram jarayonlarida faol ishtirok etib, xalq bilan hamnafas bo‘ldilar. Ular sayil hududlarida tashkil etilgan ko‘rgazmalarni ko‘zdan kechirib, tumandoshlar bilan samimiy suhbat qurib, bir dasturxon atrofida taom iste’mol qildilar. Shuningdek, osh festivali jarayonlari ham alohida e’tibor markazida bo‘lib, milliy taomlarimizning tayyorlanish jarayonlari va taqdimoti barchaga manzur bo‘ldi. Navro‘z bayramining bunday keng nishonlanishi tumanda ahillik, birdamlik va milliy qadriyatlarga hurmat ruhini yanada mustahkamladi. 👉👉👉Lavhamizda jarayonlar Bayramdagi unitilmas lahzalar haqida keyingi xabarlarimizda batafsil yoritamiz @Chilonzor_tuman_hokimligi