Find similar content

SHOGIRLIK INQIROZI! Hozirgi kuzatuvlarimdan kelib chiqib, dolzarb va juda muhim masalaga e'tibor qaratmoqchiman. Hozirda (turli sohalarda tez daromad keltiruvchi kasblar) bo‘yicha kurslarni bitirgan o‘quvchilar aksariyat hollarda to‘g‘ridan-to‘g‘ri ishga kirishga intilmoqda. Bu yaxshi yo‘l, lekin birdaniga 3-6 oy ichida mutaxassis bo‘lish haqiqatga yaqin emas. Avvallari (sartaroshlik, ustachilik va hokazo) kasblar bo‘yicha ustalarga shogird tushilar, ularning yonida yillar davomida ishlanar edi. Qachonki usta "Fotiha" bersa, shogird mustaqil ish boshlagan. Ya'ni bu jarayon mutaxassis bo‘lish darajasiga yetguncha 3-5 yil yoki undan ham ziyod davom etgan. Hech qanday haq evazsiz va kutuvlarsiz, ustozga xizmat qilib tajriba orttirilgan. Oxirgi paytlarda esa bu holat yo‘qolib borayotgandek go'yo. Kursni bitirgan ko‘plab "mutaxassislar" o‘zlarini sohaning Pro Ultra ustasi deb bilishadi. Lekin ular o‘z bilimlari va amaliy tajribasi yetarli emasligini anglamaydi. Va bundaylardan ko'plab ish beruvchilar ham aziyat chekmoqda. Xulosa: 3-6 oylik kurs bilan to‘laqonli mutaxassis bo‘lish qiyin. Qaysi zamonaviy kasbni o‘rganmang, o‘zingizga shu sohada katta tajribaga ega ustoz toping va ulardan bilim oling. Ya'ni tavsiyam kerak bo'lsa tekinga ishlang! Ustoz bo'la oladigan mutaxassislar bilan ishlang va ulardan bilimlarni, duolarni oling! Ustoz bilan ishlash, rivojlanish - sizni haqiqiy professional qiladi @Azamatjon_design#eslatmalar#problem_solution

#PROBLEM Dunyoda adolatsizlik bor – ba’zilar ko‘p narsaga ega, boshqalar esa hech narsasiz... #SOLUTION Odamlar bir-biriga yordam berishi kerak – agar hamma faqat o‘zini o‘ylasa, hayot yomonlashadi. Faqat birlikda adolat bo‘lishi mumkin. Xulosa: Ba’zilarning ko‘p narsaga ega bo‘lishi faqat boylik bilan emas, balki salohiyat, imkoniyat, nasab, sog‘liq, yashash joyi kabi ustun jihatlar bilan farqlanadi. Hech narsasiz deganda esa, sog‘liq muammolari, nizolar, ochlik, qashshoqlik, ilmsizlik va boshqa imkonsiz holatlar tushuniladi. Yechim: Odamlar bir-biriga yordam berishi kerak, ya’ni bilgan bilmaganga o‘rgatishi, to‘q ochni to‘ydirishi, imkonli inson imkonisizga ko‘mak berishi lozim. Ya’ni, biz qanday vaziyatda bo‘lmaylik, bizdan pastdagilarga yordam berishimiz, o‘z ustimizda ishlashdan to‘xtamasligimiz va shukr qilishimiz kerak. @Azamatjon_design#eslatmalar#problem_solution