Find similar content

#O‘rganish O‘tkazilgan saf yig‘ilishidan so‘ng mas’ullar tumanda joylashgan sanoat korxonalarida o‘rganishlar o‘tkazdi. O‘rganishlar jarayonida korxonalarda yong‘in xavfsizligi holatlariga e’tibor qaratib, korxonalar mutasaddilariga yong‘in xavfsizligi bo‘yicha aniqlangan kamchiliklarni bartaraf etish yuzasidan ko‘rsatmalar berildi. 🔵 Сhilonzor_tumani_hokimligi

#O‘rganish Xabar berganimizdek, tumanimizning "Fidokor" mahallasida "Obod mahalla" dasturi doirasida qurilish-ta’mirlash ishlari boshlab yuborilgan. Albatta, mahalla ahliga har tomonlama qulay sharoit yaratish yuzasidan amalga oshirilayotgan ushbu dastur ijrosi doirasida olib borilayotgan ishlar tuman hokimligining doimiy e’tiborida bo‘lib kelmoqda. Shuningdek, kuni kecha tuman hokimi o‘rinbosari K.Hamroyev ayni manzilda bo‘lib, mahalla ichki yo‘llarini ta’mirlash jarayonlarini ko‘zdan kechirdi. O‘rganishlar jarayonida aholi bilan muloqot qilinib, aholining mahalla infrastrukturasini rivojlantirish borasidagi takliflariga ham e’tibor qaratildi. 🔵 Сhilonzor_tumani_hokimligi

#O‘rganish Chilonzor tumani hokimi 4-sonli shahar Ichki ishlar bo‘limi binosining qurilishi jarayonlarini o‘rgandi Chilonzor tumani hokimi Saidqahhor Xolxo‘jayev tuman hududida olib borilayotgan qurilish obyektlarida tizimli o‘rganishlar o‘tkazib, qurilish ishlarining sifatli olib borilishi va belgilangan muddatda yakuniga yetkazilishini o‘z nazoratiga olib kelmoqda. Shuningdek, kuni kecha tuman hokimi va mas’ullar "Do‘mbirobod" mahallasi hududida qurilayotgan 4-sonli shahar Ichki ishlar bo‘limi binosining qurilish jarayonlarini ko‘zdan kechirdi. O‘rganishlar jarayonida tuman hokimi va mas’ullar qurilish jarayonlarining sifatiga e’tibor qaratib, aniqlangan kamchiliklarni bartaraf etish yuzasidan quruvchi tashkilot mas’ullariga kerakli ko‘rsatma va tavsiyalarni berib o‘tdi. 🔵 Сhilonzor_tumani_hokimligi

#O'rganish Chilonzor tumanida naqd pulsiz hisob-kitoblar va “Eskrou” tizimi infratuzilmasi o‘rganilmoqda O‘zbekiston Respublikasi Prezidentining PF-246-sonli Farmoni ijrosini ta’minlash hamda mamlakat iqtisodiy jarayonlari shaffofligini yangi bosqichga olib chiqish maqsadida Chilonzor tumanida keng ko‘lamli monitoring ishlari amalga oshirilmoqda. Tuman hokimining birinchi o‘rinbosari M.Abdukadirov boshchiligidagi ishchi guruh tomonidan 2026-yil 1-apreldan boshlab respublika miqyosida kuchga kirgan yangi tartiblarga ko‘rilgan tayyorgarlik holati va yaratilgan texnik imkoniyatlar tahlil qilindi. O‘rganish jarayonida quyidagi ustuvor yo‘nalishlarga e’tibor qaratildi: AYOQShlar orqali neft-gaz mahsulotlarini sotish va elektromobillarni quvvatlantirish xizmatlari uchun to‘lovlarning to‘liq naqd pulsiz shaklga o‘tkazilishi; Alkogol va tamaki mahsulotlari chakana savdosida hisob-kitoblarni faqat bank kartalari yoki elektron to‘lov tizimlari orqali amalga oshirish mexanizmi; Qiymati 25 million so‘mdan ortiq bo‘lgan tovar va xizmatlar, shuningdek, ko‘chmas mulk va transport vositalari oldi-sotdisida naqd pulsiz hisob-kitoblar holati; Notarial idoralar va bank tizimlari o‘rtasidagi elektron ma’lumot almashinuvi hamda mablag‘lar xavfsizligini ta’minlovchi “Eskrou” (Escrow) hisobvaraqlaridan foydalanish imkoniyatlari. O‘rganishlar davomida fuqarolarga yaratilgan qulayliklar bilan bir qatorda, tizimni joriy etishdagi ayrim texnik masalalar ham ko‘rib chiqildi. Shuningdek, M.Abdukadirov tomonidan aniqlangan kamchiliklarni qisqa muddatda bartaraf etish, xizmat ko‘rsatish sifatini oshirish va aholi o‘rtasida tushuntirish ishlarini kuchaytirish yuzasidan mas’ul shaxslarga aniq topshiriqlar berildi. 🔵 Сhilonzor_tumani_hokimligi

#O‘rganish Muqimiy ko‘chasida barpo etilayotgan piyodalar yo‘lagi qurilishi jarayonlari o‘rganildi Chilonzor tumani hokimi Saidqahhor Xolxo‘jayev va tegishli mas’ullarning tuman hududida davom etayotgan qurilish-ta’mirlash jarayonlarini o‘rganishlari davom ettirilmoqda. Shuningdek, tuman hokimi va mas’ullar bugun tumanimizning Muqimiy ko‘chasi bo‘ylab barpo etilayotgan piyodalar yo‘laklarining qurilish jarayonlarini ko‘zdan kechirdi. O‘rganishlar jarayonida tuman hokimi olib borilayotgan qurilish ishlarining sifatli va aholi uchun har tomonlama qulay bo‘lishi kerakligiga e’tibor qaratdi va bu borada tegishli mas’ullarga topshiriq va ko‘rsatmalar berdi. 🔵 Сhilonzor_tumani_hokimligi

#O‘rganish Chilonzor tumani hokimining tumandagi mahallalar hududidagi o‘rganishlari davom ettirilmoqda. Shuningdek, tuman hokimi va tegishli mas’ullar tumanning "Beshqo‘rg‘on" mahallasida hamda Bo'rijar kanali sohillarida o‘rganish ishlarini olib bordi. O‘rganishlar jarayonida hududlarni obodonlashtirish, ijtimoiy-iqtisodiy rivojlantirish yuzasidan olib boriladigan ishlar muhokama qilindi. 🔵@Chilonzor_tumani_hokimligi

#O’rganish Chilonzor tumani hokimi Saidqahhor Xolxo’jayev va tegishli mas’ullar “Beshqo’rg’on” mahallasida qurilishi yakuniga etkazilayotgan davlatga qarashli MTT binosida olib borilayotgan qurilish-ta’mirlash ishlarini ko’zdan kechirdi. O’rganishlar jarayonida ishlarning sifatiga, binoning bolajonlar uchun har tomonlama qulay va xavfsiz bo’lisiga alohida e’tibor qaratildi. 🔵Сhilonzor_tumani_hokimligi

#O‘rganish "Dilobod" mahallasi aholisining murojaati o‘rganildi va murojaatdagi muammo bartaraf etildi Kuni kecha tumanimizdagi "Dilobod" mahallasi aholisidan mahalla hududida joylashgan EMU (Yevropa meditsina universiteti) talabalari tomonidan moshinalarni qo‘yishda va ta’lim muassasasi hududida baland musiqa qo‘yilishi kabi jihatlar aholining e’tiroziga sabab bo‘layotgani haqida murojaat kelib tushgan edi. Tuman hokimi Saidqahhor Xolxo‘jayev boshchiligida YHXB mas’ullari va boshqa tegishli mas’ullar ayni manzilga chiqib murojaatda keltirilgan holatlarni o‘rgandi. O‘rganishlar jarayonida avtoulovlarni qo‘yish uchun tartibli avtoulov qo‘yish joylari maxsus belgilar bilan ajratilib qo‘yildi va aholi yurishi uchun yo‘llar tartibga keltirildi. Universitet mas’ullariga musiqa ovozlarini me’yoridan baland qo‘ymaslik bo‘yicha tushuntirishlar berildi. 🔵@Chilonzor_tuman_hokimligi

#O’rganish Chilonzor tumani hokimi Saidqahhor Xolxo’jayev va tegishli mas’ullar Bo’zsuv kanalining tumanimiz hududidan o’tuvchi qismi sohillarida olib borilayotgan qurilish ta’mirlash ishlarini ko’zdan kechirdi. O’rganishlar jarayonida qurilish ta’mirlash ishlarining sifatliga e’tibor qaratildi. Ushbu manzilda aholi uchun har tomonlama qulay sayilgoh bunyod etilishi lozimligi ta’kidlanib, quruvchi tashkilot mas’ullariga ko’rsatma va topshiriqlar berildi. @Chilonzor_tuman_hokimligi

#O‘zbekiston zargarlik maktablari 🏅 “Xalkap sirg‘a” – quloq-bo‘yin bezagi. Qoraqalpog‘iston. XIX asrning oxirgi choragi. Davlat Ermitaji. Sankt-Peterburg. 📸 Fasixitdin Gulyamovich Dadamuxamedov (zargar usta, O‘zbekiston xalq ustasi, professor) hamda Bobir Fasixitdinovich Dadamuxamedov (san’atshunoslik fanlari bo‘yicha falsafa doktori PhD, zargar) arxiv fotosurati Faсebook| ✅Instagram ✅Youtube | ✅Murojaat yo'llash

#O‘zbekistonZargarlikMaktablari 5-material ⚡️Buxoro zargarlari tilla bilan ishlashdan ko‘ra kumushni afzal ko‘rishgan. 📌Ayniqsa, kumushni yarim qimmatbaho toshlar, jumladan, dur, feruza, aqiq, la’l, yashma, asl yoqut, zumrad, sadaf va marjonlar bilan bezash ajoyib an’ana bo‘lgan. 📊Ustalar faqat kamdan-kam hollarda amir va uning yaqin kishilari uchun yasalgan buyumlargagina tilla va brilliantlar bilan ishlov berishgan. Murakkab naqshli va nihoyatda qimmatbaho toshlar bilan bezatilgan bunday buyumlar Arkdagi xazinaxonada saqlangan. 📊Buxoro zargarlari qo‘llagan san’at usullari ham xilma-xildir. Chunonchi, ular o‘ymakorlik, cho‘kichlash, kandakorlik, haqqoqi, to‘rsimon-shabaka, bosma, qadama, qoraytirish (chern), minakori — emallash, hallash — ya’ni oltin suvi yugurtirish kabi usullardan keng foydalanganlar. Bu borada buxorolik zargarlar tengi yo‘q usta, yuksak mahoratli zargar darajasiga erishganlar. 🎖Buxoro zargarlik maktabiga xos sipo, ortiqcha unsurlardan xoli buyumlar — tumorlar, ziraklar, bilakuzuk-dastponalar, nozigardonlar, xafabandlar, tillaqoshlar, poncha, tof, mohi-tillalar va tilla noychalar yuksak mahorat namunasi sifatida har qanday kishini lol qoldiradi. 🏅Bunday buyumlar ayol zotiga atalgan o‘ziga xos madhiyadir. Ular ayollarning nafis boshlari, yorug‘ peshonalari, tiniq chakkalari, nozik burunlari, kichik quloqlari, qirq o‘rim qora sochlari, egilgan zulflari, oppoq bo‘yin va ko‘kraklari, hushbichim bel va yelkalari, sadafdek bilak va barmoqlarini bezash uchun yaratilgan. ➡️Muallif: Jumayeva Nargiza Qoryo g‘diyevna, Buxoro davlat muzey-qo‘riqxonasi “Sitorayi Mohi Xossa” amaliy bezak san’ati muzeyi katta ilmiy xodimi. “Hunarmand” uyushmasi Axborot xizmati rahbari Nilufar Xotamova hamkorlikda tayyorlandi. Faсebook| ✅Instagram ✅Youtube | ✅Murojaat yo'llash

#O‘zbekistonZargarlikMaktablari 4-material ⚡️ BUXORO ZARGARLIK MAKTABI – KO‘P ASRLIK AN’ANA VA BEBAHO MEROS 📌Buxoro hunarmandlari tomonidan yaratilgan noyob zargarlik buyumlari nafaqat mahalliy aholi, balki Buyuk Ipak yo‘li orqali G‘arb va Sharq mamlakatlarida ham katta qiziqish bilan xarid qilingan. Savdo yo‘llari chorrahasida joylashgan Buxoroi Sharifning qadimiy markazida faoliyat ko‘rsatgan maxsus yopiq bozor — “Toqi zargaron” bu zaminda zargarlik san’ati yuksak darajada rivojlanganidan dalolat beradi. 📊Buxorodagi zargarlik ustaxonalarida qimmatbaho metall va toshlardan turli xil zeb-ziynat buyumlari, ayollar taqinchoqlari, saroy anjomlari, uy-ro‘zg‘or va maishiy buyumlar yasalgan. Buxoro zargarlari oltinni quyoshning sehrli yog‘dusiga, kumushni esa maftunkor oy jamoliga qiyos etganlar 🏅Zargarlik to‘plami tarkibida saroy buyumlari, beshik qubbalari, Qur’oni Karim g‘ilofi, kumush chiroq va shamdonlar, sandiqchalar, ryumkalar, laganlar, kosalar, piyolalar, tabaqlar, qadahlar, oftoba, dastsho‘y hamda boshqa ko‘plab noyob ashyolar o‘rin olgan. Ular oltin suvi bilan bezatilgan, kandaqori va minokori uslubida emallangan, zumrad, feruza, yoqut va aqiq kabi qimmatbaho toshlar bilan bezatilgan. 🎖Ushbu bebaho asarlarning aksariyati Buxoroning so‘nggi hukmdorlari xazinasidan saqlanib qolgan nodir namunalardir. Bu esa Buxoro zargarlik maktabining ko‘p asrlik an’ana va yuksak mahoratga ega ekanligini yana bir bor tasdiqlaydi. ✅Buxoro zargarligi — milliy san’atimizning betakror durdonasi! ⚡️ Muallif: Jumayeva Nargiza Qoryog‘diyevna, Buxoro davlat muzey-qo‘riqxonasi “Sitorayi Mohi Xossa” amaliy bezak san’ati muzeyi katta ilmiy xodimi. 🧍‍♀️ Hamkorlikda tayyorlandi: Hunarmand uyushmasi Axborot xizmati rahbari Nilufar Xotamova. ✅Faсebook|✅Instagram ✅Youtube | ✅Murojaat yo'llash