Post #6446

❄️ Sot në Tiranë, në Teatrin Kombëtar të Operës dhe Baletit, do të zhvillohet premiera e baletit “Arrëthyesi”, i vënë në skenë nga mjeshtrit shqiptarë nën muzikën e kompozitorit të shquar rus P.I.Çajkovski, sipas motiveve të koerografit rus L.Ivanov. Është kënaqësi që vepra të klasikëve rusë me famë botërore shfaqen rregullisht në skenën kryesore të Shqipërisë, formimi dhe zhvillimi i mëtejshëm i së cilës daton në epokën e miqësisë sovjeto-shqiptare të viteve 1946-1961. Kështu, me ndihmën e kolegëve sovjetikë, në nëntor 1953, ekipi interpretues i teatrit vuri në skenë shfaqjen e parë operistike në historinë e artit shqiptar, “Rusalka” të kompozitorit rus A.S.Dargomizhskij. Shumë shpejt pas kësaj, në skenën shqiptare u shfaq premiera e baletit të parë klasik “Shatërvani i Bahçisarait” e kompozitorit B.Asafiev. Më pas në skenën e teatrit u shfaqën vepra të tjera ruse dhe shqiptare. Një kontribut të rëndësishëm në zhvillimin e artit vendas dhanë djemtë dhe vajzat shqiptare, të cilët u diplomuan në vitet 1940-1950 në konservatorët dhe shkollat ​​koreografike më të mira të BRSS. 🤝I jemi mirënjohës stafit të Teatrit Kombëtar të Operas dhe Baletit për kontributin e tyre në afrimin e kulturave dhe popujve të vendeve tona! #RusiShqipëri#RussiaAlbania