@Termiz_MTU · Post #14052 · 05/01/2026, 10:27 AM
MILLIY LIBOS — MILLIY RUH AKSI. Bugun Termiz temir yo‘l vokzalida ish jarayonlari o‘zgacha kayfiyatda tashkil etildi. Haftaning juma kuni doirasida o‘tkazilayotgan “Milliy liboslar kuni” tashabbusi vokzal xodimlari ishtirokida yuqori ruhda davom etdi. Milliy liboslarda faoliyat yuritgan xodimlar xizmat jarayonlariga nafaqat tartib va mas’uliyat, balki milliy ruh va o‘ziga xos go‘zallik ham olib kirishdi. Atlas va adras matolaridan tikilgan liboslar vokzal muhitiga iliqlik va estetik uyg‘unlik bag‘ishladi. Mazkur tashabbus orqali milliy qadriyatlarimizni asrab-avaylash, ularni kundalik hayotimizga singdirish hamda yosh avlod qalbida milliy o‘zlikni mustahkamlashga alohida e’tibor qaratilmoqda. Termiz temir yo‘l vokzali jamoasi esa ushbu ezgu g‘oyani qo‘llab-quvvatlab, milliy an’analarimizni amalda namoyon etishda faol ishtirok etmoqda. #MilliyLiboslarKuni#TermizVokzali#TemirYol#MilliyQadriyatlar#Juma#Uzbekistan "Termiz MTU" filiali matbuot xizmati Rasmiy sahifalarimiz: 🚉 📱Telegramm |📱Facebook |📱Web|