Post #228

Пайғамбаримиз соллаллоҳу алайҳи васаллам унутиб қўйишдан хавфланиб, ваҳий тушган пайтида Қуръони Карим оятларини Жаброил алайҳиссаломга қўшилиб, ўқиб турар эдилар. Бу эса қийинчилик туғдирарди. Ушбу оятда Аллоҳ таоло Пайғамбарини хотиржам этиб: «Сенга ваҳийи битгунча Қуръон (тиловати)га ошиқма», демоқда. Яъни эй Муҳаммад, Жаброил ваҳийни сенга охиригача ўқиб бермагунича, Қуръонни тиловат қилиб, оятларни ўқишга шошилма. Олдин Жаброил тўлиқ ўқиб берсин, кейин сен ўқийсан. ” Роббим илмимни зиёда қилгин ”, дегин. Шу дуонинг ўзи кифоя қилади. Тоҳа сураси 114-оят.