Post #263

"Фариданинг икки минг қўшиғи". Ўзбек киносида ўзига хос йўналиш ва характерга эга ижодкор Ёлқин Тўйчиев қисқа вақтли танаффусдан сўнг ўзининг навбатдаги "Фариданинг икки минг қўшиғи" фильмини суратга олди. Фильм "Ўзбеккино" Миллий агентлиги ҳамда “Fox music cinema" киностудияси ҳамкорлигида суратга олинди. Картина Сурхон воҳасининг Бойсун тоғларида тасвирга туширилди. Фильмнинг ижодий жамоасига қарайдиган бўлсак, жамоада Ёлқин Тўйчиев ўзининг бир гуруҳ ҳамфикрлари, оператор Баҳодир Йўлдошев, рассом Бектош Ражабов, картина директори Шавкат Ризаев, продюсер Дониёр Агзамов ҳамда иккинчи режиссёр Нодира Зуфаровалар билан бирга ишлаган. Фильм 2019 йилнинг сентябр-октябр ойларида суратга олинди. Янги киноасар Ёлқин Тўйчиевнинг навбатдаги муаллифлик фильми бўлиб, режиссёр ушбу картинасида Баҳром Матчонов, Маржона Ўлжаева, Юлдуз Ражабова, Элмира Раҳимжонова, Анвар Ҳамроқулов, Санобар Ҳақназарова, Комил Шокиров каби маҳоратли ва ёш актёрлар ансамблидан фойдаланган. Дилшодбек Усмонов. @yosh_kinematograflar