Post #321

​​Отанг боласи эмас, одам боласи бўлгин! Ўзига тўқ хонадоннинг қизи бўлганим учун, кўпчилик самимий ва оддий муносабатимга ҳайрон қолишар эди. Ҳатто, 4-синфдан 5-синфга ўтар чоғим, синф раҳбарим Иноят опа ҳамма ота-онасининг ишлаш жойини билиб келсин деганларида ҳам: - Адажоним автобаза директори, ойижоним уй бекаси. Жавобимни эшитиб, менга зимдан қараб кулиб қўйгандилар. Нега ундай қилганликларини билмагандим. Сабабини эса, 9-синфдан 11-синфга ўтар пайти кейинги синф раҳбарим Тамара опадан эшитганимда тушунгандим. 9 синфдан 11-синфга ўтиш учун, журналдаги маълумот янгиланади. Яна ҳамма ота-онасини ишлаш жойини айтиши керак, мен яна ўша маълумотни такрорлагандим. Тамара опа мийиғларида кулиб: - Журналга автобаза шофёри деб ёзилган экан, дедилар. Шунда мен, Иноят опа менга ишонмай, нега обдон кийим-бошимга қараганликларини фаҳмладим. Уларнинг наздида автобаза директорининг қизи бошқача бўлиши керак эди... Шунинг учун директорнинг эмас, шофёрнинг қизи деб ўйлаб, шуни ёзганлар. Бундай камол топишимда Ўзбекойим - ойижонимнинг ўгитлари катта. Улар ҳар сафар кўчага чиқаётганимизда: отанг боласи эмас, одам боласисан, буни унутма дер эдилар. Наврўзнинг илк кунларидан бирида таваллуд топган ойижоним ҳар бир совға қилинган гулни бандларидан бўшатиб, гулдонга солар эканлар, ҳар доимгидек одам боласи эканлигимни ёдга оламан. Ойижоним таваллуд айёмингиз билан! Ҳар кунингиз Наврўз бўлсин.