Post #348

Она тилига, оҳангига меҳр ёшликдан, ҳатто гўдакликдан шаклланиб бориши керак. Энди эса уйдаги кичкинтойларимиз нима кўриб ва нима эшитиб улғаяётганига эътибор қилинг. Бизга ҳозирнинг ўзидаёқ "Синий трактор", "Маша и Медведь", "One Little Finger", "Грузовичок Лёва", "Umar and Hana" ва яна бир қанча болалар учун мўлжалланган лойиҳаларнинг муқобиллари, ўзбек тилидаги шакллари керак. Зеро, таълим ёш авлод ҳали гўдаклигидан бошланиб, ўзлик тушунчаси болаликдан шаклланиши керак. Қани мультипликаторларимиз, қани графикларимиз, қани болалар бастакорларимиз? Болалар халқ қўшиқларимизни замонавийлаштирган ҳолда фойдаланишнинг ўзи ҳам етиб ортади аслида. Менимча, баъзи бир баландпарвоз лойиҳаларга чалғимасдан, гўдакларга/болаларга бағишланган таълим лойиҳаларига жиддий эътибор қаратиш керак. Яна бир муҳим масала, ёш гўдаклари бор хотин-қизларимиз ҳам болаларини телефон орқали турли шоу бизнес қўшиқлари билан ухлатишни бас қилиб, алла айтишни ўрганишлари керак. Ҳусниддин Ато, маданиятимиз жонкуяри