Post #375

Огаҳийшунос олима Ҳилола Назирова — ЎзР ФА Шарқшунослик институтининг шарқшунос олималаридан. Ҳ.Назирова 1983 йил Тошкент шаҳрида таваллуд топган. Тошкент давлат шарқшунослик институтида бакалавр (2000-04) ва магистратура (2004-06) босқичларини тамомлаган. 2007-08 йиллар ЎзР ФА Тарих институти кичик илмий ходими. 2008-11 йиллар ЎзР ФА Шарқшунослик институти аспирантурасида таҳсил олган. 2011-21 йиллар ЎзР ФА Шарқшунослик институтида кичик илмий ходими сифатида институтнинг асосий фондини электрон каталогини яратиш лойиҳа иштирокчиларидан бири бўлди. Олима узоқ йиллик илмий тадқиқотлари натижаси ўлароқ 2022 йил «Қўнғиротлар сулоласи тарихнавислигида Муҳаммад Ризо Огаҳийнинг “Зубдат ут-таворих” асари» мавзуида диссертация ишини муваффақиятли ҳимоя қилди. Олима шунингдек, Фанлар академияси Ёшлар етакчиси, Шарқшунослик институтининг “Bilimkent” семинари таъсисчиси, “O‘zbekiston tarixi” телеканалида “Tarixiy savol” кўрсатуви ҳаммуаллифи, телеграмдаги «Oʻzbekoyim» канали муаллифидир. 👉Туркистон кутубхонаси👈