Post #426

1924-yil 27-oktabr Oʻzbekiston SSR tashkil topgach, dastlab poytaxt etib, Buxoro shahri etib tanlanadi, lekin, 1925-yil boshkent Samarqandga koʻchiriladi. Tabiiyki, Samarqand Oʻzbekistonning qoq markazida joylashgan, siyosiy, madaniy markaz edi. Ammo, 1930-yil 17-avgustda boshkent bir kunda Samarqanddan Toshkentga koʻchiriladi, bunga shaxsan Fayzulla Xoʻjayevning oʻzi boshchilik qilgan. Olimlar buning sababini turlicha izohlashsada, professor Qahramon Rajabov arxiv hujjatlari asosida «1924: Turkistonning parchalanishi» asarida bunga alohida toʻxtalib oʻtadi. Xususan, muallifning yozishicha, boshkentni bir kunda Samarqanddan Toshkentga shoshilinch koʻchirilishi qozoq kommunistlarining faollashgani bilan bogʻliq edi, ular Qozogʻiston ASSR poytaxtini Qiziloʻrdadan Toshkentga koʻchirmoqchi boʻlishgan, buning oldini olish maqsadida Fayzulla Xoʻjayev Kremlning roziligisiz Toshkentga koʻchiradi. ©Maknun