Post #446

🔹 RCP & BIRD loyiha jamoalari uchun intellektual mulk bo‘yicha seminar 2025-yil 10-aprel kuni Innovatsion rivojlanish agentligida Jahon bankining "O‘zbekiston milliy innovasion tizimini modernizatsiya qilish" (MUNIS) loyihasi doirasida ishga tushirilgan "Research Commercialization Program" va "Business Investments in Research & Development" (RCP&BIRD) grant dasturlari sub-loyihalarining asosiy ishtirokchilari uchun intellektual mulkni boshqarish strategiyasi va patent arizalarini topshirish bo‘yicha vorkshop bo‘lib o‘tdi. 📌 Vorkshop MUNIS loyihasini amalga oshirish guruhi tomonidan ENCOMPAS kompaniyasi ko‘magida tashkil etildi. 📚 Ishtirokchilar quyidagilarni o‘rganishdi: ▪️ Intellektual mulk ob’yektlarini yaratish jarayonini boshqarish modeli ▪️ Ichki hujjatlarni yuritishga yondashuvlar ▪️ Patentlarni izlash va tadqiq etish usullari ▪️ Patent talabnomalarini (milliy va xalqaro) topshirish tartibi 👩‍🏫 Ma’ruzachi: Yekaterina Runova – Intellektual mulk ob’yektlarini boshqarish, patentlarni o‘rganish va ilmiy-tadqiqot natijalarini tijoratlashtirish bo‘yicha ekspert. 💡 Vorkshop o‘z ichiga amaliy keyslar, metodik materiallar va bilimlarni amaliyotda mustahkamlashga yordam beradigan interaktiv topshiriqlarni qamrab oldi. ✅ Tadbir yakunida ishtirokchilar nafaqat patentlashning asosiy jihatlarini o‘zlashtirdilar, balki o‘zlarining innovasion ishlanmalarini muvaffaqiyatli himoya qilish va tijoratlashtirish vositalariga ham ega bo‘ldilar. Bizni kuzating Web-site | Instagram | Facebook | YouTube