@gsbe_uz · Post #2789 · 11/19/2025, 05:03 AM
🇺🇿Biznes va tadbirkorlik oliy maktabi hamda Olmaliq kon-metallurgiya kombinati hamkorligida “Strategik va operatsion menejment” mavzusida uchrashuv bo‘lib o‘tdi Vazirlar Mahkamasi huzuridagi Biznes va tadbirkorlik oliy maktabi hamda Olmaliq kon-metallurgiya kombinati (OKMK) o‘rtasidagi hamkorlik doirasida MBA - Global menejment magistratura mutaxassisligi tinglovchilari uchun uchrashuv tashkil etildi. Tadbirda Biznes va tadbirkorlik oliy maktabi professor-o‘qituvchilari, OKMKning yetakchi vakillari, jumladan “Strategiya va operatsion samaradorlikni oshirish” bo‘limi boshlig‘i B. Siddiqjonov va “Barqaror rivojlanish (ESG)” bo‘limi boshlig‘i R. Axmedov ishtirok etdilar. Uchrashuv davomida konlardan rudani qazib olishni boshlashdan metallni qayta ishlash jarayonlarini o‘z ichiga olgan uzluksiz texnologik jarayonlari, ishlab chiqarish quvvatlari, eksport ko‘rsatkichlari va jahon bozoridagi o‘rniga oid batafsil ma’lumotlar taqdim etildi. Shuningdek, kombinatning yirik sanoat korxonalari bilan xalqaro hamkorlik loyihalari, ilg‘or texnologiyalarni joriy etish bo‘yicha tashabbuslari, yangi konlarni o‘zlashtirish va ishlab chiqarishni diversifikatsiya qilish strategiyalari, ekologik barqarorlik va korporativ ijtimoiy mas’uliyat bo‘yicha amalga oshirilayotgan ishlari haqida ma’lumot berildi. Mazkur uchrashuv ikki tomonlama hamkorlikni mustahkamlash va tinglovchilarning amaliy bilimlarini oshirishga xizmat qildi. 🇷🇺RU 🇬🇧ENG #GSBE#GraduateSchool#Miningmetallurg#Complex#Study 🔝Web-site |🔝Facebook | 🔝Instagram | 🔝Youtube