@utycargo · Post #801 · 10/07/2025, 12:04 PM
“Qaynonam – onam mening, kelinim – bolam mening” oyligi doirasida “Temiryo‘lkargo” AJ xotin-qizlari uchun davra suhbati tashkil etildi. 📖 Suhbatda O‘zbekiston Yozuvchilar uyushmasi a’zosi, shoira va yozuvchi, II darajali “Sog‘lom avlod uchun” ordeni sohibasi Ma’mura Zohidova ishtirok etdi. ✨ Tadbir davomida oilaviy qadriyatlar, avlodlar o‘rtasidagi mehr-oqibat, ayollarning jamiyat va oila hayotidagi o‘rni haqida samimiy fikrlar bildirildi. Bundan tashqari, oila jamiyatning eng kichik va muhim bo‘g‘ini ekanini ta’kidlab, undagi ayollarning o‘rni, qadri, ayoli oqila bo‘lgan oila, jamiyat, davlatda hamisha barqarorlik, rivojlanish bo‘lishini aytib o‘tdi. Shoira o‘z ijodidan namunalar o‘qib, ayollarga bag‘ishlangan she’rlar orqali ishtirokchilarga ruhiy ko‘tarinkilik ulashdi. 💬Shuningdek, ishtirokchilar ma’ruzachiga o‘zlarini qiziqtirgan savollar bilan murojaat qilib, o‘zaro fikr almashishdi. Xotin-qizlar bilan kechgan bu iliq muloqot o‘zaro hurmat, mehr va qadriyatlarni yanada mustahkamlashga xizmat qildi. #Temiryolkargo#Xotinqizlar#MamuraZohidova#QaynonamOnamMening#AyollarFaolligi#OilaQadriyati#TemiryolkargoAJ https://t.me/utycargo utycargo.uz 📱facebook /📱x.com /📱web sayt/📱linkedin.com/📱instagram