Post #2233

Toyloq tumanida YTH oqibatida 4 nafar fuqaro vafot etdi 2025-yil 16-aprel kuni Samarqand viloyati Toyloq tumanida sodir bo‘lgan YTH oqibatida haydovchi va 3 nafar yo‘lovchi voqea joyida halok bo‘ldi. IIV xabariga ko‘ra, soat 04:30 larda “Adas” MFY hududidan o‘tuvchi D-069 avtomobil yo‘lida harakatlanayotgan Cobalt mashinasi yo‘ldagi sun’iy chuqurga tushib, g‘ildiraklari yorilgan va boshqaruv yo‘qolgan. Natijada mashina ariqqa ag‘darilib ketgan. O‘rganishlar davomida aniqlanishicha, ushbu yo‘ldan foydalanishga mas’ul korxona tomonidan asfalt qoplamasi kesilgan, ammo ta’mirdan oldin zarur belgilar o‘rnatilmagan. Holat yuzasidan mas’ullarga nisbatan JKning 269-moddasi 3-qismi “a” bandi bilan jinoyat ishi qo‘zg‘atilgan va tergov harakatlari olib borilmoqda. 🔰Telegram | Instagram | You Tube