Post #2999

💵8 mingdan ortiq yetim bolalar uchun 500 dollarlik omonatlar ochildi Prezident topshirig‘iga asosan “Prezident archasi” doirasida yetim va ota-ona qaramog‘idan mahrum bo‘lgan bolalar uchun muhim ijtimoiy tashabbus amalga oshirildi. 0–17 yoshdagi 8 ming nafardan ortiq bolalar nomiga omonat depozit hisob raqamlari ochildi. Har bir hisob raqamiga davlat tomonidan 500 AQSh dollari joylashtirilib, mablag‘lar kapitalizatsiya asosida ko‘payib boradi. Bola 18 yoshga to‘lgach, ushbu jamg‘armadan mustaqil hayotini boshlash uchun foydalanishi mumkin. Shuningdek, 9 yoshdan yuqori bolalar va ularning qonuniy vakillariga ijtimoiy kartalar berildi. Kartalar orqali imtiyozli transport, to‘lovlar va ijtimoiy xizmatlardan foydalanish mumkin. Barcha amaliyotlar Baraka ilovasi orqali nazorat qilinadi. ❗️“Taskin” bolalar xospisida davolanayotgan bolalar uchun depozit mablag‘lari zaruratga ko‘ra, qonuniy vakillar murojaati asosida istalgan vaqtda yechib olinishi mumkin. 🔰Telegram | Instagram | You Tube