Post #3147

Qo‘shrabotda o‘quvchilar qish sharoiti sabab maktabga bora olmayapti Qo‘shrabot tumani Jonbuloq MFYga qarashli Mijg‘on, Bo‘ronbuloq va Chalg‘ir qishloqlari ota-onalari bolalar ta’limi bilan bog‘liq muammo yuzasidan murojaat qildi. Bildirishicha, hududda qorning qalin yog‘ishi sabab o‘quvchilar yanvar oyidan beri maktabga muntazam qatnay olmayapti. Ilgari Jonbuloq qishlog‘ida joylashgan 21-maktab filialida 100 nafardan ortiq o‘quvchi tahsil olgan. Biroq 2025 yil sentyabrdan filial yopilib, bolalar 6,5–7 km uzoqlikdagi 21-maktabga ko‘chirilgan. Ota-onalar aytishicha, ko‘chirishdan oldin avtobus ajratish va qishda yo‘llarni muntazam ochib berish va’da qilingan, ammo bu ishlar to‘liq amalga oshmagan. Natijada ayrim o‘quvchilar umuman maktabga bora olmayapti. Aholi Jonbuloq hududidagi 21-maktab filialini qayta ochish yoki unga 11 yillik maktab maqomi berishni so‘ramoqda. Ularning fikricha, filial binosi hozir ham ta’lim olish uchun yetarli shart-sharoitlarga ega. Avvalroq Qoʻshrabot tumanining ayrim joylarida qor qalinligi yarim metrga yetganligi haqida xabar bergan edik. 🔰Telegram | Instagram | You Tube