Post #3149

Toyloqda velosipedchi YTH natijasida vafot etdi 2026-yil 29-yanvar kuni soat 18:20 larda Toyloq tumani “Jumabozor” MFY hududidan o‘tgan D-069 avtomobil yo‘lining 12-kilometrida yo‘l-transport hodisasi sodir bo‘lgan. Toyloq–Urgut yo‘nalishida harakatlanib ketayotgan velosipedchini shu yo‘nalishda kelayotgan “Isuzu” rusumli yuk avtomobili urib yuborgan. Shundan so‘ng yo‘lga yiqilgan velosipedchini orqa tomondan harakatlanib kelayotgan “Damas” rusumli avtomobil bosib ketgan. Hodisa oqibatida fuqaro voqea joyida vafot etgan. Mazkur holat yuzasidan Toyloq tumani IIB Tergov bo‘limi tomonidan jinoyat ishi qo‘zg‘atilib, dastlabki tergov harakatlari olib borilmoqda. Samarqand viloyati IIB JXX YHXB barcha yo‘l harakati ishtirokchilaridan yo‘l harakati qoidalariga qat’iy amal qilishni so‘ragan. 🔰Telegram | Instagram | You Tube