Post #14

Registonda sayyohdan 50 ming soʻragan IIB xodimlari ishdan boʻshatildi Koreyalik sayyoh YouTube'dagi “Deno trip” kanalida Samarqandga qilgan safari haqida video joylagan. Unda sayyoh tarixiy joyga kirish uchun bilet izlab yurganda 2 nafar ichki ishlar xodimini uchratgan. Xodimlardan biri undan 50 ming pul so‘ragan. “Pulni ishlatilmayotgan savat ichiga qo‘yib ketaver”, – degan ikkala xodim ham sayyohga devor orqasida turgan chiqindi qutilarini ko‘rsatib. Video 2024-yilning 14-sentyabrida joylangan. Sayyoh qutiga o‘zbek so‘mlarini qo‘yib ketgan, so‘ngra koreys tilida “Ular pora oldi”, – degan. “Mazkur holat yuzasidan xizmat tekshiruvi o‘tkazilib, Patrul-post xizmati batalyonining ikki nafar xodimi ichki ishlar organi xodimining sha’niga putur yetkazuvchi xatti-harakatlar sodir etgani uchun xizmatdan bo‘shatilgan”, – deyiladi Samarqand viloyat Ichki ishlar boshqarmasi matbuot xizmati axborotida. 🔰Telegram | Instagram | You Tube